22 mamyrda Almaty qalasyndaǵy №58 jalpy bilim beretin mektepte "Ákem – tiregim, anam – júregim" fleshmoby uıymdastyryldy, - dep habarlaıdy aqshamnews.kz tilshisi.
İs-shara "Baqytty bala – baqytty otbasy" taqyrybynda, Qazaqstan balalary tujyrymdamasy aıasynda jáne 1 maýsym – Halyqaralyq balalardy qorǵaý kúni qarsańynda ótkizildi.
Fleshmobtyń basty ereksheligi – oqýshylardyń analary birge qatysyp, kóńildi ári tartymdy qımyldar arqyly ózara baılanys pen súıispenshilikti beıneledi. Bul bir sát kóńil kóterý emes, ana men bala arasyndaǵy jyly qarym-qatynasty nyǵaıtatyn, bir-birine jaqyndaı túsýge múmkindik beretin áserli kórinis boldy.
Fleshmob barysynda analar men balalar birigip qımyl jasap, bir-biriniń kóńil-kúıin sezine bildi. Júzderindegi shattyq, kózderindegi shynaıy qýanysh kóp nárseni ańǵartty. Bul – otbasyndaǵy mahabbat pen túsinistiktiń, jylylyq pen meıirimdiliktiń naqty dáleli.
"Tárbıe otbasynan bastalady. Balanyń ata-anasymen jaqyn qarym-qatynasy – berik otbasynyń ǵana emes, tutas qoǵamnyń myqty irgetasy. Biz balalardyń baqytty bolǵanyn, olardyń júzinen kúlki ketpegenin qalaımyz. Sebebi bolashaq – osy balalardyń qolynda, al biz sol bolashaqpen birge baqyttymyz", - dedi №58 mektep dırektory Shynar Ýtjanova .
Osy mazmundy is-shara arqyly mektep ujymy tek merekelik kóńil-kúı emes, otbasylyq qundylyqtardy nasıhattaýdyń da jarqyn úlgisin kórsetti.