Belgili jýrnalıs, medıa jáne sport salasynyń qaıratkeri Dıas Ahmetshárip 2025 jylǵy 22 mamyrda ómirden ótti. Ol 7 mamyrda Aqtaýda issapar kezinde ınsýlt alyp, mıyna qan quıylyp, komaǵa túsken bolatyn .
Dıas Ahmetshárip óziniń eńbek jolyn 1997 jyly Qazaq radıosynyń reporteri retinde bastaǵan. Ol uzaq jyldar boıy «Qazaqstan» telearnasy men «Habar» agenttiginde sport jýrnalısi qyzmetin atqardy. Qazaqstandaǵy alǵashqy sport arnasy — «Qazsport» telearnasynyń tuńǵysh dırektory boldy. Sonymen qatar, «Insport» telearnasynyń bas redaktory qyzmetin atqardy .
Memlekettik qyzmette de belsendilik tanytyp, 2003–2007 jyldary QR Sport jáne týrızm isteri agenttiginiń baspasóz qyzmetiniń basshysy, 2010–2012 jyldary «Astana-SK» korporatıvtik qorynyń qoǵammen baılanys departamentiniń dırektory, 2012–2013 jyldary QR Sport jáne dene shynyqtyrý isteri agenttigi Tóraǵasynyń keńesshisi qyzmetterin atqardy. Sońǵy jyldary Týrızm jáne sport mınıstriniń qoǵammen baılanys jáne BAQ jónindegi keńesshisi boldy .
Dıas Ahmetshárip Olımpıada, Azıa oıyndary jáne álem chempıonattary kezinde sport sholýshysy jáne Qazaqstan quramasynyń baspasóz attashesi retinde de qyzmet etti.
Onyń kásibı sheberligi men sport jýrnalısıkasyna qosqan úlesi el esinde máńgi saqtalady. Marqumnyń otbasy men jaqyndaryna kóńil aıtamyz.