Kezdesý barysynda qala ákimi taǵy da kóńil aıtyp, polıseılerdiń jesirlerine páter kiltin tabystady.
Almaty ákimi Baqytjan Saǵyntaev qaıǵyly oqıǵadan qaza tapqan polıseılerdiń otbasylarymen kezdesti, dep habarlaıdy Almaty-akshamy.kz
Almaty ákimdiginiń bastamasy sot sheshimin oryndaý boıynsha qyzmettik boryshyn oryndaý kezinde qaza tapqan polıseılerdiń otbasylaryn qoldaý maqsatynda qabyldandy.
Polısıa kapıtany Nurbol Baıǵazıev ishki ister organdarynda 2014 jyldyń qyrkúıeginen bastap qyzmet etti. 2021 jyldyń 28 shildesinen bastap Alataý aýdandyq PB janyndaǵy polısıa bóliminiń ýchaskelik polısıa ınspektory qyzmetin atqardy. Onyń artynda 5 jáne 7 jastaǵy eki balasy qaldy.
Polısıa maıory Darhan Súleev ishki ister organdarynda 2003 jyldyń qańtarynan bastap qyzmet etti. 2021 jyldyń 20 tamyzynan bastap Alataý aýdandyq PB janyndaǵy polısıa bóliminiń ýchaskelik polısıa ınspektory qyzmetin atqardy.
Onyń artynda kámeletke tolmaǵan bes balasy qaldy, olardyń eń kishisi – 4, úlkeni – 16 jasta. Baıǵazıevtiń otbasy sıaqty onyń da jeke turǵyn úıi bolǵan joq.