Qala turǵyndarynyń birqatar máseleleri jumysqa ornalasýǵa jáne medısınalyq kómek kórsetýge qatysty boldy.
Almaty ákimi Baqytjan Saǵyntaev onlaın-formatta jeke qabyldaýǵa jazylǵan qalalyqtardyń suraqtary men usynystaryna jaýap berdi, dep habarlaıdy Almaty-akshamy.kz
Almaty jasandy ıntellekt zerthanasynyń negizin qalaýshy Dosjan Júsipov Serebra ınsýltin avtomattandyrylǵan dıagnostıkalaýǵa arnalǵan baǵdarlamalyq qamtamasyz etýdi ilgeriletý týraly aıtyp berdi. Joba medısınalyq mekemelerde pılottyq rejımde iske asyrylýda, sondaı-aq venchýrlik ınvestorlardyń qoldaýyna ıe boldy.
Zákirjan Mámet-Álıevtiń derbestendirilgen jáne preventıvti medısına ortalyǵyn qurý týraly usynysy halyqqa joǵary bilikti ońaltý qyzmetterin usyný maqsatynda zerdelenetin bolady.
Kásipker Áset Begalıev jasyl jelekterdi qorǵaý jáne kútý qyzmetterin usyndy. Básekelestik ortany qurý jáne osyndaı jumystardyń sapasyn arttyrý maqsatynda jobalardy iske asyrý múmkindigi qaralatyn bolady.
Sonymen qatar, Alataý aýdany, "Uljan" shaǵynaýdany turǵyndarynyń ótinishi boıynsha «Búdjetke qatysý» jobasy aıasynda sport zalyn salý josparlanýda.