Ekokeshenniń basty maqsaty – ekologıalyq týrızmdi damytý.
Megapolıs ákimi Baqytjan Saǵyntaev Qazaq Auyl kesheniniń qurylys barysyn qarap shyqty, dep habarlaıdy Almaty-akshamy.kz
Qazaq Auyl eko kesheni ulttyq stılde Kim-Asar shatqalynda salynýda. Oǵan meıramhana, 15 qonaq úı jáne is-sharalarǵa arnalǵan amfıteatr kiredi. Joba boıynsha meıramhanany media Park Hotel qonaq úı-turǵyn úı keshenimen jáne vızıt-ortalyǵymen qosý kózdelgen. Vızıt-ortalyq úshin aqparattyq qyzmetter kórsetiletin jáne týrısik jabdyqtar satylatyn jeke úı-jaı qarastyrylǵan.
Qazaq Auyl jalpy alańy – 1,3 ga, úı-jaılardyń alańy – 850 sh.m, ınvestısıa kólemi – 800 mln teńge. 2022 jyly paıdalanýǵa berý josparlanǵan ekokeshende 20 jumys orny ashylmaq.
Joba ekologıalyq týrızmdi damytýdy eskere otyryp ázirlendi. Bul jalpy abattandyrýda, ýchaskeniń josparlaý qurylymynda jáne keshen qurylymyn quraıtyn obektilerdiń kompozısıalyq sheshiminde kórinis tapty.
Qoǵamdyq tártipti qamtamasyz etý, tótenshe jaǵdaılar týyndaǵan kezde adamdardy kúzetý, evakýasıalaý jáne qutqarý úshin mamandandyrylǵan avtokóliktiń qoljetimdiligi kózdelgen.