Almaty bolashaqqa senimmen qaraıdy.
Bul quttyqtaýyn megapolıs basshysy óziniń ınstagramdaǵy paraqshasynda jarıalady, dep habarlaıdy Almaty-akshamy.kz
«Qurmetti almatylyqtar! Táýelsizdiktiń 30 jyldyǵy merekesimen quttyqtaımyn!
Almaty bolashaqqa senimmen qaraıdy. Biz qazir zamanaýı megapolıstiń ınfraqurylymdyq máselelerin ońtaıly sheship, balabaqshamen mektepterdi, aýrýhana men sport keshenderin salýdy júıeli jolǵa qoıdyq. Ekologıany jaqsartý jolynda jumyla jumys istep, muqtaj jandardy turǵyn úımen qamtamasyz etýge, áleýmettik jaǵynan osal azamattardy jan-jaqty qoldaýǵa kúsh salyp kelemiz.
Biz ózimizdiń túpki maqsatymyzǵa – álemniń úzdik qalalarynyń qataryna erkin ený jolyna barlyq kúsh-jigerimizdi salamyz. Birlik bar jerde tirlik bar. Bul bıik mejelerge birlese qol jetkizetinimizge senimim mol. Tolaıym tabys árbir almatylyqtyń óz qolynda! Barshańyzǵa zor densaýlyq, ortaq iste tabandylyq pen baq-bereke tileımin!
Táýelsizdik kúni qutty bolsyn!» -dep quttyqtady qala ákimi.