1995 jyldan beri 30 tamyz elimizde Konstıtýsıa kúni retinde toılanyp keledi.
Qala ákimi Baqytjan Saǵyntaev almatylyqtardy Konstıtýsıa kúnimen quttyqtady. Bul týraly ol óziniń Twitter-degi paraqshasynda jazdy, dep habarlaıdy Almaty-akshamy.kz.
Baqytjan Saǵyntaev Almatynyń sımvolyna aınalǵan «Qazaqstan» qonaq úıi men Kóktóbede ornalasqan telemunara beınelengen sýretpen qala turǵyndaryn quttyqtady.
Táýelsiz Qazaqstannyń tól Ata zańynyń tarıhy 1993 jyldan bastalady. Dál osy jyly elimizdiń alǵashqy Konstıtýsıasy qabyldanǵan bolatyn. 1995 jyly qazir qoldanyp júrgen ekinshi Konstıtýsıa qabyldandy. Qujattyń jobasyn ázirleýge Qazaqstannyń zań salasyndaǵy iri tulǵalary, ıntellektýal ǵalymdar, aýzy dýaly saıasatkerler túgel atsalysty.
1995 jyldan beri 30 tamyz elimizde Konstıtýsıa kúni retinde toılanyp keledi.
Ata zańymyzdyń 1-baby boıynsha Qazaqstan – demokratıalyq, zaıyrly, quqyqtyq jáne áleýmettik memleket. Memlekettiń eń qymbat baılyǵy – adam men onyń ómiri, quqyqtary men bostandyqtary. Bul – Konstıtýsıanyń ózgermeıtin eń basty qaǵıdasy.