Keıin prokýror Hamenovany 7 jylǵa bas bostandyǵynan aıyryp, dúnıe-múlkin tárkileýdi suraǵan edi
Atyraý oblysy ákiminiń burynǵy orynbasary Baqytgúl Hamenova sottan ózin aqtaýdy surady. Atyraý qalasynyń №2 sotynda sońǵy sózin sóılegen ol qylmystyq oqıǵaǵa esh qatysy joq ekenin alǵa tartty, dep habarlaıdy Almaty-akshamy.kz Almaty.tv-ge silteme jasap.
Eske sala ketsek, eks-sheneýnikke byltyr jeltoqsan aıynda «aldyn ala kelisim boıynsha para aldy» degen aıyp taǵylyp, úıqamaqqa alynǵan. Keıin prokýror Hamenovany 7 jylǵa bas bostandyǵynan aıyryp, dúnıe-múlkin tárkileýdi suraǵan edi.
«Meniń aıǵaqtarym boıynsha sot Rysqalıev pen Adamovqa jeke qaýly shyǵarýy kerek. Sonyń nátıjesinde osy qylmystyq isti burmalaǵandarǵa qatysty qylmystyq is qozǵalýy tıis. Meniń bul iske qatysym joq», – dedi Atyraý oblysy ákiminiń burynǵy orynbasary Baqytgúl Hamenova.