21-22 shildede Almatydaǵy «Alataý» dástúrli óner teatrynda «Baqyt degen - seniń bala kúnderiń» atty jyl saıynǵy balalar vokaldyq festıvál-baıqaýynyń altynshy kezeńi ótti.
Bıyl baıqaýǵa qatysýǵa Qazaqstannyń ár óńirinen 425 ótinish túsken. Vokaldyq jaǵynan myqty dep tanylǵan 20 bala festıválǵa iriktelip alyndy, al baıqaýǵa 6 men 15 jas aralyǵyndaǵy 10 bala qatysty.
Festıvál bıyl altynshy ret ótkizilip otyr. Ótken 5 maýsymda barlyǵy 7000 ótinish túsken. Festıváldyń 50-den astam qatysýshysy Reseıdegi «Golos. Detı» «BalalarEvrovıdenıesi», «Qazaqstan daýysy», «Bala daýysy» jáne «Central Asia’s got talent» sekildi otandyq jáne sheteldik baıqaýlardyń laýreaty atanǵan.
Baıqaý eki kezeńnen turady. Birinshi kúni baıqaýǵa qatysýshylar otandyq jáne sheteldik sıngldardy oryndady. Ekinshi kúni ónerpaz balalar Álisher Kárimov, Ánel Árenova, Saltanat Qudaıbergen jáne basqa da estrada juldyzdarymen birigip dýet aıtty.
Baıqaýdyń sýpergran-prı júldesi Oral qalasynan kelgen 8 jastaǵy Aıbıke Satpaevaǵa buıyrdy, al Gran-prıdi Taldyrqorǵannan kelgen 11 jastaǵy Imangeldi Aıaýlym jeńip aldy. Festıváldiń ádil qazylar alqasynyń músheleri: Qazaqstannyń Eńbek sińirgen artısi Aıjan Nurmaǵanbetova, ánshi Bek Oralbekov, prodúser Aınur Rahımova jáne kompozıtor Iýlıa Lebedeva.
İs-shara demeýshilerdiń qoldaýymen uıymdastyryldy. Festıváldy tamashalaý tegin boldy.