Almatyda 23 shildede demalys kúnderindegi jármeńkege qosymsha qant jetkizý uıymdastyryldy. BAQ ókilderi kóterme qoıma men Bostandyq aýdanyndaǵy jármeńkege bardy.
Jármeńkege qosymsha qant jetkizý boıynsha pılottyq jobany 16 shildede qalalyq Kásipkerlik jáne ınvestısıa basqarmasy «Almaty» SPK» AQ-men birlese otyryp Medeý aýdanynda bastaǵan bolatyn.
Eki kún ishinde (16.07-17.07) jármeńkede kóterme baǵasy kelisine 500 teńgeden, bólshek saýdada kelisi 530 teńgeden 7,5 tonna qant satyldy. Sondaı-aq qala boıynsha 185 saýda orny qosymsha qantpen qamtyldy, áleýmettik dúkenderde qanttyń kóterme baǵasy 500 teńgeden satyldy. Dúkender qantty 15%-dan aspaıtyn ústeme baǵamen satýǵa mindetteledi. 23-24 shildede qant qalalyq tórt jármeńkede satyldy. Jalpy shilde aıynda jármeńkeler men dúkenderge 100 tonna qant jetkizý josparlanyp otyr. Kóterme jetkizýshilermen kelisim-shartqa otyrýdyń arqasynda osyndaı shara uıymdastyrýǵa múmkindik týdy.
Aksıa qaladaǵy demalys kúnderindegi jármeńkelerde turaqty túrde ótkizilmek. Maqsat – naryqty qantpen qamtamasyz etý jáne turǵyndardyń áleýmettik mańyzy bar ónimge suranysyn qoljetimdi baǵada usyný.