Sebebi ázirge belgisiz.
Belgili boksshy, Afıny Olımpıadasynyń chempıony, Vel Barker kýbogynyń ıegeri Baqtıar Artaev QR Boks federasıasynyń vıse-prezıdenti jáne memlekettik jattyqtyrýshy qyzmetinen ketti, dep habarlaıdy Almaty-akshamy.kz QazAqparatqa silteme jasap.
Bul málimetti sportshynyń ózi QazAqparat tilshisine rastady.
«Qyzmetten ketip jatqanymdy rastaımyn. Biraq sebebi týraly ázirge eshteńe aıta almaımyn», - dep qysqa qaıyrdy sport menedjeri.
Baqtıar Artaev 1983 jyly 14 naýryzda Taraz qalasynda týǵan. Bokspen 10 jasynan bastap aınalysty.
2004 jyly Grekıada ótken Olımpıada oıyndarynyń shırek fınalynda eki dúrkin Olımpıada chempıony reseılik Oleg Saıtovty jeńdi.
Al fınalda Artaev Kýbanyń eki dúrkin álem chempıony Lorenso Aragonnan basym bolyp, «altynnan» alqa taqty.
«Barys» ordenimen marapattalǵan.
Sońǵy bir jarym jyl Qazaqstan boks quramasynyń memlekettik jattyqtyrýshysy qyzmetin atqaryp keldi.