Bul talaptar oryndalmaǵan jaǵdaıda aıyppul salynady.
Qazaqstan Respýblıkasynyń Ortalyq saılaý komısıasy buqaralyq aqparat quraldaryna Prezıdenttikke kandıdatqa efır ýaqytyn jáne baspasóz betinen oryn berý týraly aqparattyq habarlama jarıalady, dep habarlaıdy Almaty-akshamy.kz QazAqparatqa silteme jasap.
«QR Saılaý týraly» Konstıtýsıalyq zańnyń 28-baby 3-tarmaǵyna sáıkes, prezıdenttikke kandıdattardyń úgit materıaldaryn jarıalaý úshin buqaralyq aqparat quraldary 16 qazannan keshiktirmeı efırden jáne baspasóz betinen oryn berý tóleminiń mólsheri, sharttary men tártibi týraly málimetterdi jarıalaýy, sondaı-aq Ortalyq saılaý komısıasyna usynýy tıis.
Ortalyq saılaý komısıasy Ákimshilik quqyqbuzýshylyq týraly kodekstiń 112-baby 5-bóligine sáıkes qaralǵan jaýapkershilikti te eske salady. Atap aıtqanda, efırden jáne baspasóz betinen oryn bergeni úshin tólemniń mólsheri, sharttary jáne tártibi týraly málimetterdi saılaý aldyndaǵy úgit júrgizý bastalardan bes kún buryn habarlamaǵan jáne jarıalamaǵan, sondaı-aq Ortalyq saılaý komısıasyna usynbaǵan buqaralyq aqparat quralynyń prezıdenttikke kandıdattardyń úgit materıaldaryn jarıalaýy nemese efırge shyǵarýy laýazymdy adamdarǵa 30, zańdy tulǵalarǵa 50 aılyq eseptik kórsetkish mólsherinde aıyppul salýǵa ákep soǵady.