Almaty qalalyq PD Anyqtaý basqarmasynyń bastyǵy Oljas Sháripovtyń aıtýynsha, azamattar jıi alaıaqtardyń qurbanyna aınalyp, saqtandyrý tólemderin berý qyzmetin rásimdeýdi “deldaldarǵa” senip tapsyrady, dep habarlaıdy Almaty-akshamy.kz Polisia.kz-ke silteme jasap.
«Osyǵan baılanysty, biz bul qyzmetti alý tártibi men erejeleri týraly habarlaımyz jáne azamattardy keıde bireýdiń qaıǵysynan paıda tapqysy keletin úshinshi tulǵalarǵa senbeýge shaqyramyz. Tájirıbede, ókinishke oraı, mundaı epızodtar birshama», – deıdi Sháripov.
“Kólik quraldary ıeleriniń azamattyq-quqyqtyq jaýapkershiligin mindetti saqtandyrý týraly” Qazaqstan Respýblıkasynyń 2003 jylǵy 1 shildedegi №446-II Zańynyń normalaryna sáıkes, 1) Saqtandyrýshynyń bir saqtandyrý jaǵdaıy (saqtandyrý somasy) boıynsha jaýapkershiliginiń eń joǵary mólsheri (aılyq eseptik kórsetkishte):1) jábirlenýshiniń ómirine nemese densaýlyǵyna keltirilgen zıan úshin ólim – 2 000, múgedektikti anyqtaý: birinshi top – 1 600; ekinshi top – 1 200; úshinshi top – 500; múgedektigi bar bala – 1 000; múgedektik belgilenbesten jaraqattansa nemese densaýlyqqa ózge de zaqym keltirilse – ambýlatorıalyq jáne (nemese) stasıonarlyq emdeýge jumsalǵan naqty shyǵyn mólsherinde, biraq 300-den aspaıdy;
2) bir jábirlenýshiniń múlkine keltirilgen zıan úshin keltirilgen zıan mólsherinde, biraq 600-den aspaıdy; 3) eki nemese odan da kóp jábirlenýshiniń múlkine bir mezgilde keltirilgen zıan úshin keltirilgen zıan mólsherinde, biraq árbir jábirlenýshige 600-den aspaıtyn mólsherde. Sonymen qatar, barlyq jábirlenýshilerge tólenetin saqtandyrý tólemderiniń jalpy somasy 2 myńnan aspaýy kerek. Shyǵynnyń mólsheri saqtandyrýshynyń jaýapkershiliginiń shekti mólsherinen asyp ketken jaǵdaıda árbir jábirlenýshige saqtandyrý tólemi múlkine keltirilgen zalalǵa qaraı saqtandyrý tóleminiń dárejesine proporsıonaldy túrde júzege asyrylady.
2. Jábirlenýshiniń ómiri men densaýlyǵyna keltirilgen, qaıtys bolýyna nemese múgedektigine ákep soqqan zıan úshin saqtandyrý tólemi osy baptyń 1-tarmaǵynda belgilengen saqtandyrýshy jaýapkershiliginiń shekti mólsherinde júzege asyrylady.
3. Saqtandyrý tóleminiń mólsherin esepteý úshin saqtandyrý tólemi júzege asyrylǵan kúni Qazaqstan Respýblıkasynyń zańnamalyq aktisine sáıkes belgilengen aılyq eseptik kórsetkish qoldanylady. Jábirlenýshi qaıtys bolǵan jaǵdaıda jábirlenýshini jerleýdi júzege asyrǵan adamǵa saqtandyrýshy jerleýge ketken shyǵyndardy júz aılyq eseptik kórsetkish mólsherinde óteıdi