Nazym Qyzaıbaı - elimizdegi áıelder boksynyń basty qaharmandarynyń biri. Nazym Qyzaıbaı 4 jylda bir keletin olımpıada oıyndaryna alǵash ret qatysýda
Búginge deıin álem chempıonatyn eki ret utqan boksshy qyzymyzdyń Olımpıadaǵa joly endi ashyldy, dep habarlaıdy aqshamnews.kz.
Nazymnyń esimi áýesqoı boks áleminde erte tanyldy. Ol álem birinshilikterindegi eń alǵashqy júldesin 2012 jyly ıelengen. Qytaıdyń Sınhýandao qalasynda ótken álem chempıonatynda Qyzaıbaı qola júldeger atandy.
Araǵa eki jyl salyp Nazymǵa álem chempıonatynyń altyny buıyrdy. 2014 jyly Ońtústik Koreıanyń Chedjý qalasynda ol 48 keli salmaqta álem chempıony atandy. Bul bokstan qazaq qyzdary enshilegen álemdik synnyń alǵashqy altyny bolatyn.
Jalpy, Nazym Qyzaıbaı úlken sporttaǵy jetistikteriniń basym bóligine eń jeńil salmaqta qol jetkizdi. 2016 jyly Astanada uıymdastyrylǵan álem birinshiliginde ol óz ataǵyn sátti qorǵap, eki dúrkin álem chempıony atandy. Ázirge, Nazymnan basqa boksshy qyzdarymyz mundaı jetistikpen maqtana almaıdy.
Esterińizge sala keteıik, búgin namysty qyz - Nazym Qyzaıbaı jartylaı fınalda 2023 jylǵy álem chempıony, AO-2023 chempıony, qytaılyq Vý Iýmen (52 kg) kezdesedi.