Páterler Prezıdent janyndaǵy DARA qorynyń atynan berilgen.
Prezıdent Qasym-Jomart Toqaevtyń atynan memlekettik BAQ qyzmetkerlerine páter sertıfıkattary berildi, dep habarlady Almaty-akshamy.kz Aqordaǵa silteme jasap.
Prezıdent ákimshiligi basshysynyń orynbasary – Qazaqstan prezıdentiniń baspasóz hatshysy Rýslan Jeldibaı men Aqparat jáne qoǵamdyq damý mınıstri Darhan Qydyráli BAQ qyzmetkerlerine 65 páterdiń kiltin tabystady.
Rýslan Jeldibaı áleýmettik jelidegi paraqshasynda prezıdenttiń memlekettik buqaralyq aqparat quraldarynda qajyrly qyzmet atqaryp kele jatqan birneshe azamatty baspanamen qamtamasyz etýdi tapsyrǵanyn jazdy. Soǵan oraı jýrnalıser, rejıserler, montajerlar, operatorlar jáne basqa da mamandyq ıeleri kásibı mereke qarsańynda marapattaldy.
Sondaı-aq Aqparat jáne qoǵamdyq damý mınıstri Darhan Qydyráli kásibı mereke tamasha tartýmen bastalǵanyn aıtyp, BAQ ókilderin merekemen quttyqtady.