Bul týraly QR Aqparat jáne qoǵamdyq damý mınıstri Darhan Qydyráli málim etti.
Mınıstr «Úrker» shyǵarmashylyq baıqaýynyń úlken bir atalymyna Ahmet Baıtursynuly ataýyn berý josparlanyp otyrǵanyn aıtty, dep habarlaıdy Almaty-akshamy.kz QazAqparatqa silteme jasap.
«Ahmet Baıtursynuly jáne basqa da Alash ardaqtylaryn ulyqtaýda Memleket basshysynyń bastamasymen kóptegen irgeli ister atqarylyp jatyr. Búgin Ahańnyń týǵan ólkesi Qostanaıda úlken toı ótý kerek edi. Tótenshe jaǵdaı bolyp qaldy. Qostanaı halqyna sabyr tileımiz», - dedi Darhan Qydyráli elordada ótip jatqan Ahmet Baıtursynulyna arnalǵan halyqaralyq konferensıada.
Mınıstrdiń aıtýynsha, búginde Ahmet Baıtursynulynyń murasyna arnalǵan ǵylymı týyndylar jazylyp, derekti fılm túsirilip jatyr.
«Bıyl ótetin «Astana Media Week» halyqaralyq sharasynda Ahmet Baıtursynulyna arnalǵan taqyryp uıymdastyramyz. Sol sıaqty «Úrker» shyǵarmashylyq baıqaýynyń úlken bir atalymyna Ahmet Baıtursynuly ataýyn berý josparlanyp otyr», - deıdi ol.