Almaty qalasy máslıhatynyń depýtattary gýmanıtarlyq kómekti qalyptastyrý jumystaryn júzege asyrdy.
Aksıa aıasynda tótenshe jaǵdaılardan zardap shekkender úshin qalalyq máslıhat depýtattary jalpy somasy 15 mln teńgege 20 tonnadan astam gýmanıtarlyq kómekpen júk kóligin jiberdi. Gýmanıtarlyq kómek tizimine tez buzylmaıtyn ónimder (un, qant, kúrish, qaraqumyq, makaron ónimderi, ósimdik maıy), aýyz sý, konserviler (et/balyq), tósek-oryn jabdyqtary jáne gıgıena quraldary (pamperster, maılyqtar jáne t.b.) kirdi.
Sondaı-aq, tósek jabdyqtaryn satyp alý ómirlik qıyn jaǵdaıǵa tap bolǵan áıelderdi áleýmettik qoldaý «Baqytty Otbasy» ortalyǵynyń qoldaýymen kóp balaly analardyń tigin sehy arqyly júzege asyryldy. Jalpy 200 tósek-oryn tysy satyp alyndy.
Gýmanıtarlyq kómekti jasaqtaýǵa Amanat jáne «Aq jol», «Qazaqstan halyq partıasy», «Aýyl» partıalarynyń depýtattary belsendi qatysty.
Almaty qalasy máslıhatynyń baspasóz qyzmeti: Darhan Serikbaıuly 8(771)039-27-23