Ulttyq valúta 1,7%-ǵa nyǵaıdy.
Qazan aıynyń qorytyndysy boıynsha, teńge baǵamy 1 AQSH dollary úshin 468,23 teńgege deıin 1,7%-ǵa nyǵaıdy, dep habarlaıdy Almaty-akshamy.kz Baq.kz silteme jasap.
Qazaqstan qor bırjasyndaǵy saýda-sattyqtyń ortasha kúndik kólemi bir aıda 91 mln AQSH dollarynan 121 mln AQSH dollaryna deıin ulǵaıdy. Saýda-sattyqtyń jalpy kólemi 2,4 mlrd AQSH dollaryn qurady.
Kvazımemlekettik sektor sýbektileriniń valútalyq túsimdi satýy ótken aıda shamamen 528,6 mln AQSH dollaryn qurady. Kvazımemlekettik sektor kompanıalary ekinshi deńgeıli bankter arqyly valúta naryǵynda satýdy óz betinshe júzege asyrady.
Ulttyq qordan respýblıkalyq búdjetke transfertterdi qamtamasyz etý úshin valúta satý qazanda 362 mln AQSH dollaryn qurady. Ulttyq qordan satý úlesi jalpy saýda-sattyq kóleminiń 15%-yn jáne kúnine 30 mln AQSH dollarynan aspaıtyn mólsherdi qurady.
Ulttyq qordan valútany satý jónindegi operasıalardy júzege asyrý kezinde Ulttyq Bank naryqtyq trendti qalyptastyrýǵa aralaspaý qaǵıdatyn ustanyp, «price-taker» qalpynda qalatynyn atap ótken jón. Osylaısha, valúta naryǵyndaǵy qazirgi jaǵdaılardy saqtaý maqsatynda Ulttyq Bank valútany satýǵa óz ótinimderin bermegenmen, naryqqa qatysýshylar bergen burynnan bar ótinimderdi qanaǵattandyrady. Bul tájirıbe Ulttyq qordan valúta naryǵyna operasıalardyń tıgizetin áserin barynsha azaıtýǵa múmkindik beredi.
Qazan aıynda Ulttyq bank valútalyq ıntervensıalar júrgizbedi, sondaı-aq BJZQ zeınetaqy aktıvteri men senimgerlik basqarýdaǵy basqa qorlar úshin shetel valútasyn satyp alý nemese satý boıynsha operasıalardy júzege asyrmady.
Qysqa merzimdi perspektıvada teńgeniń qubylmalylyǵy geosaıası jaǵdaıdyń ózgerýine, ishki qatysýshylardyń kútýlerine jáne álemdik naryqtardaǵy ahýalǵa baılanysty bolady. Ulttyq bank teńgerimsizdiktiń jınaqtalýyn boldyrmaıtyn jáne altyn-valúta rezervteriniń saqtalýyn qamtamasyz etetin ıkemdi baǵam belgileý rejımin ustanýdy jalǵastyrady.