Astanadaǵy Azıa chempıonatynda jeńiske jetken balýandarǵa qansha syıaqy beriledi? Bul saýalǵa Mádenıet jáne sport mınıstrligi Sport jáne dene shynyqtyrý isteri komıteti tóraǵasynyń orynbasary Aıgúl Bektenova jaýap berdi, dep habarlaıdy Almaty-akshamy.kz QazAqparat-qa silteme jasap,
«Bul jarysta úsh kúres túrinen elimizdiń namysyn 30 sportshy qorǵaıdy. Olardyń orta jasy grek-rım kúresinen – 29 jas, áıelder kúresinen – 25 jas jáne erkin kúresten – 24 jas bolyp keledi», - dedi komıtet ókili Ortalyq komýnıkasıalar qyzmetinde ótken brıfıńide.
Sondaı-aq, ol chemıponat júldegerlerine beriletin aqshalaı syılyqtyń kólemin atady.
«Azıa chempıonatynan birinshi oryn alǵan sportshylarǵa 2 300 dollar, ekinshi oryn alǵandarǵa 1 400 dollar jáne úshinshi oryn alǵan sportshyǵa 900 dollar syıaqy qarastyrylǵan. Osyndaı syıaqy jattyqtyrýshylarǵa da berilmek. Sonymen qatar, «Halyqaralyq dárejedegi sport sheberi» degen ataq qarastyrylǵan.