«Balalardyń joldaǵy qaýipsizdigi»
Balalardyń jol-kólik oqıǵalarynan bolatyn jaraqatynyń aldyn alý boıynsha profılaktıkalyq jumystardy jandandyrý, balalardyń qatysýymen bolatyn jol-kólik oqıǵalary máselesine qoǵamnyń nazaryn aýdarý maqsatynda Almaty qalasynda jedel aldyn alý is-sharasy júrgizilip jatyr, jep habarlaıdy Almaty-akshamy.kz Polisia.kz-ke silteme jasap.
«Balalardyń joldaǵy qaýipsizdigi»respýblıkalyq naýqany aıasynda jergilikti atqarýshy organdarmen birlesip, qaladaǵy jalpy bilim beretin mektepterdiń oqýshylary arasynda is-shara ótti. Basty maqsat – balalardyń kóshede jáne jolda júris-turysynyń qaýipsizdigin nasıhattaý. Jarysqa jeti oqý ornynyń komandalary qatysty. Balalar jol qozǵalysy erejelerin bilý salasynda, velosıpedterdi, samokattardy qaýipsiz júrgizý boıynsha bilimderin kórsetti», – dedi Almaty qalalyq PD ákimshilik polısıa basqarmasy bastyǵynyń orynbasary Bolatbek Baıatanov.
Uıymdastyrýshylar oqýshylardyń jaqsy daıyndyq kórsetkeni men jolda júrý erejelerin tamasha meńgergenin atap ótti. №197 orta mektep komandasy birinshi oryndy ıelendi. Ekinshi oryndy №5 Oqýshylar úıi men №19 JOBBM komandalary ıelendi. Úshinshi oryndy №77 jáne №98 orta mektepterdiń oqýshylary ózara bólisti.