Bıyl 5 myń oqýshy «Baldáýren» respýblıkalyq oqý-saýyqtyrý ortalyǵynda tegin demalady.
Bul týraly Oqý-aǵartý mınıstrligi málim etti, dep habarlaıdy Almaty-akshamy.kz.
«Baldáýren» respýblıkalyq oqý-saýyqtyrý ortalyǵynda jazǵy demalys maýsymy ashyldy. Býrabaıdaǵy bas ortalyq pen Balqash, Qonaev, Túrkistan qalalaryndaǵy fılıaldar bul aýysymda memlekettik kvota boıynsha myńǵa jýyq oqýshyny tegin qabyldaıdy.
Aýysym - «Baldauren ART – START» dep atalady. Balalar saýyqtyrý sharalarynan ózge shyǵarmashylyqpen aınalysady. Ózderiniń qalaýy boıynsha sýret salyp, sýretke túsirý, beınemontaj jasaýdy meńgeredi. Olar úshin túrli úıirmeler jumys jasaıdy. Sonymen qatar sporttyq oıyndar, taqyryptyq merekelik keshter, baıqaýlar, ekskýrsıalar uıymdastyrylǵan.Táýlik boıy medısınalyq qyzmetpen qamtamasyz etiledi.
Aıta keteıik, ortalyq pen fılıaldar jaz boıy balalardy 5 aýysym boıynsha qabyldaıdy. Ár aýysym taqyryby da ár alýan. Balalar óz qyzyǵýshylyqtaryna saı aýysymdarǵa qatysa alady. Jaz boıy memlekettik kvotamen 5000 bala tegin qamtylady.