Sońǵy jyldary mektep oqýshylarynyń jazǵy demalysyna keńinen kóńil bólinip, barlyq jaǵdaı jasalyp jatyr. Óıtkeni, jazǵy demalys balanyń tulǵalyq turǵyda ósip, damıtyn kezi. Bul kezde balanyń boıy ǵana emes, oı-órisi de damıdy. Osy kezde ońy men solyn, qysqasy ómirdi tereńirek tanyp, bolashaqqa qadam jasaıtyn mezgili. Sondyqtan da, jazǵy demalys maýsymyn paıdaly ári qyzyqty etip ótkizý – ár balaǵa beriletin múmkindik.
Mine, oqý jyly aıaqtala sala, bostandyq aýdanyndaǵy «M.Maqataev atyndaǵy №140 gımnazıa» janynan “Baldáýren” jazǵy lageri óz jumysyn bastap ketti. Mektep oqýshylary úshin asyǵa kútken demalys kezeńi qyzyqqa, shattyqqa toly kúnderdi bastady. Jalpy, jazǵy demalysty árbir bala asyǵa tossatyn bolsa, bul olardyń ata-anasy úshin basty másele. Óıtkeni, kez-kelgen ata-ana balasynyń qaýipsiz ortada, senimdi tárbıeshilerdiń baqylaýynda demalǵanyn qalaıdy. Osy turǵyda mektep janynan ashylyp otyrǵan “Baldáýren” jazǵy lageri – naǵyz senimdi orta. Lager baǵdarlamasy jan-jaqty jasalǵan. Tańǵy jattyǵýdan bastap, shyǵarmashylyq úıirmeler, teatrlandyrylǵan qoıylymdar, sporttyq jarystar, tanymdyq saǵattar, mádenı oryndarǵa saıahat - barlyǵy balalardyń ýaqytyn mazmundy ótkizýge baǵyttalǵan. Lager baǵdarlamasy jan-jaqty jasalǵan. Tańǵy jattyǵýdan bastap, shyǵarmashylyq úıirmeler, teatrlandyrylǵan qoıylymdar, sporttyq jarystar, tanymdyq saǵattar, mádenı oryndarǵa saıahat - barlyǵy balalardyń ýaqytyn mazmundy ótkizýge baǵyttalǵan.
Atalmysh lagerdiń ashylý saltanatynda gımnazıa dırektory Sánıa Óskenbaıqyzy sóz alyp, lagerdiń sanıtarlyq-gıgıenalyq talapqa saı jasaqtalǵanyn tilge tıek etip, eń bastysy-balalardyń qaýipsizdigi men densaýlyǵy ekenin qadap aıtty. Osydan soń, tárbıeshi ustazdar jyly lebizderin bildirip, balalardyń demalysynyń qyzyqty ótýine tilektesigin bildirdi. Gımnazıa ákimshiligi tarapynan tegin balmuzdaq taratyldy. Túrli-tústi sharlarmen bezendirilgen alańda balalar án salyp, bı bıledi. Túrli sporttyq, ulttyq oıyndardy oınaǵan balalar úshin jazǵy demalys bastalyp ta ketti.
Taqyrypqa oraı:
S.Z. Nurtaeva M.Maqataev atyndaǵy
№140 gımnazıa dırektorynyń oqý isi jónindegi orynbasary:
Eń bastysy-balanyń qaýipsizdigi
Bıyl “Baldáýren” lageri oqýshylardyń bos ýaqytyn tıimdi uıymdastyryp, olardyń tulǵalyq damýyna yqpal etetin kóptegen jańa jobalarmen tolyǵyp otyr. Árbir kúnniń ózindik taqyryby, dáıeksózi, merekesi bar. Bul – balalardyń oılaý qabiletin, shyǵarmashylyǵyn, toppen jumys isteý daǵdylaryn damytýǵa arnalǵan tyń ádis. Ata-analar da lager jumysyna zor senim bildirip otyr. Óıtkeni, bul – qorshaǵan ortany tanyp-bilý, dostar tabý, óz qabiletterin ashý alańy. Lagerge qabyldanǵan árbir oqýshynyń densaýlyǵy aldyn ala tekseriledi. Kúndelikti medısınalyq baqylaý júrgiziledi, arnaıy medısına qyzmetkeri turaqty túrde jumys isteıdi. Tamaqtaný júıesi de sanıtarlyq normalarǵa saı uıymdastyrylǵan. Balalar únemi tárbıeshiler men jetekshilerdiń baqylaýynda bolady. Terıtorıada beınebaqylaý ornatylǵan, kirý men shyǵý arnaıy jýrnal arqyly tirkeledi. Barlyq top jetekshileri men qyzmetkerler qaýipsizdik tehnıkasy jáne alǵashqy kómek kórsetý boıynsha nusqaýlyqpen tanystyrylǵan. Sonymen qatar, lager aýmaǵynda órt qaýipsizdigi, tótenshe jaǵdaılar kezindegi is-qımyl tártibi naqty josparlanyp, jattyǵýlar ótkiziledi. Biz úshin árbir balanyń amandyǵy men jaıly jaǵdaıy – eń mańyzdy mindet. Sondyqtan “Baldáýren” lageri - ata-ana úshin eń qajetti, al bala úshin shattyq pen qyzyqqa toly demalys oryny.