Atyraýda jańa týǵan náresteni satý isi boıynsha sottalǵan bes adamǵa qatysty sot úkimi kúshinde qaldy, - dep habarlaıdy almaty-akshamy.kz Atyraý oblystyq sotynyń baspasóz qyzmetine silteme jasap.
Atyraý oblystyq sotynyń qylmystyq ister jónindegi sot alqasy Atyraý oblysynyń kámeletke tolmaǵandar isteri jónindegi mamandandyrylǵan aýdanaralyq sotynyń 5 adamǵa qatysty úkimin apelásıalyq tártipte qaıta qarady.
Sot úkimi boıynsha, sottalýshy S.A. adamdar tobynyń aldyn ala sóz baılasýymen, birneshe ret dármensiz kúıdegi kámeletke tolmaǵandar saýdasymen aınalysqany, sondaı-aq, birneshe ret alaıaqtyq jasaǵany úshin 8 jyl merzimge bas bostandyǵynan aıyrý jazasyna kesilgen.
Qalǵan tórt sottalýshy adamdar tobynyń aldyn ala sóz baılasýymen, dármensiz kúıdegi kámeletke tolmaǵandar saýdasymen aınalysqany úshin QK-tiń 55-babynyń 4-bóligin qoldanýmen shartty túrde 3 jyl merzimge bas bostandyǵynan aıyrý jazasyna kesilgen.
"Sottalýshy áıel júkti bola tura, óziniń materıaldyq jaǵdaıyn jaqsartý maqsatynda, óziniń balasyn dúnıege kelgen soń satatyn bolyp, otbasylyq juppen sóz baılasqan. Aqsha qarajatyn bergennen keıin otbasylyq jup balany ózderiniń otbasyna alǵan".
Ýaqyt óte kele, áıel qaıtadan júkti bolyp, bótenniń múlkin aldaý jáne senimdi teris paıdalaný jolymen qylmystyq oı týyndap, basqa eki otbasylyq jupqa balany belgili bir sommaǵa satýǵa ýáde bergen. Alaıda, olardyń aqshasyn alyp, izin sýytqan.
"Nátıjesinde jábirlenýshilerge 2,3 mıllıon teńge zalal keltirilgen. Osy ýaqytta sottalýshy áıel óziniń balasyn dúnıege kelgen soń satatyn bolyp, basqa otbasylyq juppen sóz baılasqan. Otbasylyq jup bala dúnıege kelgenshe sottalýshy áıeldiń shotyna aqsha aýdaryp otyrǵan. Bala dúnıege kelgen soń óz otbasylaryna alǵan.
Otbasylyq juptar jańa týǵan balalardy aqshaǵa satyp alyp, ákelikti anyqtap, balalardyń týý týraly kýálikterine óz attaryn jazdyrǵan", - delingen habarlamada.
İs apelásıada sottalǵandar jáne advokattardyń apelásıalyq shaǵymdary boıynsha qaralǵan.
"Olar sot úkiminiń kúshin joıyp, aqtaý úkimin shyǵarýdy surady. Alqa apelásıalyq shaǵymdardy zerdeleı kele, sot úkimin ózgerýge nemese onyń kúshin joıýǵa negizder tappady. Osyǵan baılanysty, qylmystyq ister jónindegi sot alqasynyń qaýlysymen birinshi saty sotynyń úkimi ózgerissiz, apelásıalyq shaǵymdar qanaǵattandyrýsyz qaldyryldy", - delingen habarlamada.