«Balapan» telearnasy Nur-Sultan qalasy ákimdigimen birlesip, Balalar jyly aıasynda respýblıkalyq «BALAPAN ÁLEMİ» atty Open Air festıvál ótkizedi.
Merekelik shara1 maýsym - Halyqaralyq balalardy qorǵaý kúninde saǵat 11:00-den bastap Nur-Sultan qalasy Esil jaǵasyndaǵy amfıteatrda ótedi. Konserttik baǵdarlamada el aımaqtarynan kelgen 800-ge jýyq talantty bala jáne estrada juldyzdary óner kórsetedi, dep habarlaıdy Almaty-akshamy.kz Qazaqstan.tv saıtyna silteme jasap.
Festıvál aıasynda amfıteatr aýmaǵynda ulttyq sport jáne oıyn-saýyq alańdary uıymdastyrylyp, asfáltqa sýret salý baıqaýy ótedi. «Balapan» álemi» kitap kórmesi men astanalyq mektepishilik qolóner úıirmeleri men sheber balalar daıyndaǵan qolóner buıymdarynyń jármeńkesi uıymdastyrylady. Sonymen qatar shara aıasynda balalar kóńildi anımatorlar men sırk ártisteriniń ónerin tamashalaı alady.
Festıválde Aqtaý, Jezqazǵan, Qyzylorda jáne Semeı qalalaryndaǵy balalarǵa arnalǵan is-sharalardan tikeleı qosylym jasalady.
Merekelik konsertti elorda turǵyndary men qonaqtary tegin tamashalaı alady. Telearna kórermenderi úshin «BALAPAN ÁLEMİ» festıvali «Balapan» telearnasynan 12:00-den bastap tikeleı efırde kórsetiledi.