Otbasy bank salymshylary memlekettiń 138 000 teńge mólsherindegi eń joǵary syılyqaqysyn ala alady
2023 jyldyń qorytyndysy boıynsha jańa nemese burynnan jınaq shottarynyń ıeleri memleket tarapynan 20% kóleminde syılyqaqy alady. Bul týraly Óńirlik komýnıkasıalar qyzmetiniń alańynda Almaty qalasynyń «Otbasy bank» AQ dırektory Danagúl Túsipova aıtty, dep habarlaıdy almaty-akshamy.kz
Spıker keltirgen málimetke saı, 2023 jyly Almatynyń 11 200 turǵyny Otbasy banktiń kómegimen qonys toıyn atap ótti. Taǵy 24 500 qala turǵyny depozıtter ashyp, bolashaqta qoljetimdi sharttar boıynsha turǵyn úı satyp alý úshin qarajat jınaı bastady.
Memleket syılyqaqysy 200 AEK (2023 jyly 1 AEK 3 450 teńgege teń) nemese 690 000 teńgeden aspaıtyn somaǵa esepteledi. Eger osy jyl ishinde Otbasy banktiń depozıt ustaýshysy osy qarajatty óz shotyna jınasa nemese olardy bir mezgilde engizse, onda ol 2023 jyldyń qorytyndysy boıynsha eń joǵary syılyqaqyny – 138 000 teńgeni alady, ol úshin bank salymshylary óz depozıtterin 2023 jyldyń 29 jeltoqsanyna deıin tolyqtyryp úlgerýleri kerek.
«20 jyl boıy biz qazaqstandyqtarǵa únemshildikti úıretip kelemiz. Jınaqtaý múmkindigi 490 myńnan astam qazaqstandyq otbasyǵa turǵyn úı máselesin sheshýge kómektesti. Jaqyn arada qonys toıyn atap ótý úshin taǵy 2,6 mln qazaqstandyq aqsha jınaqtap jatyr. Bul máselede olarǵa memlekettiń kómektesetini de mańyzdy. Syılyqaqy tóleýge arnalǵan qarajat jyl saıyn respýblıkalyq búdjette kózdeledi. Ótken jyldyń qorytyndysy boıynsha 1,9 mln qazaqstandyq 75 mlrd teńge kóleminde memleket syılyqaqysyn aldy, - dep túsindirdi Otbasy banktiń Almaty qalalyq fılıalynyń dırektory Danagýl Túsipova.
Banktiń jyldyq 2% mólsherindegi syıaqysyn jáne memleket syılyqaqysyn eskergende Otbasy banktegi depozıtter boıynsha tıimdi mólsherleme jyldyq 14%-ǵa jetýi múmkin.
Sonymen birge, ol memleket syılyqaqysy buryn kótermelenbegen jınaqtarǵa ǵana esepteledi. Iaǵnı, jyl saıyn aǵymdaǵy jyly jasalǵan jınaqtar men ótken jyly kótermelenbegen jınaqtardyń qaldyǵy esepke alynady.Eger bir salymshynyń bankte birneshe depozıti bolsa, onda memlekettiń syılyqaqysy olardyń bireýine ǵana esepteledi. Eger Otbasy banktiń salymshysy óz jınaq aqshasyn alyp qoıýǵa sheshim qabyldasa jáne úsh jyldan az merzim boıy jınaqtaǵan depozıtin japsa, onda memlekettiń eseptelgen syılyqaqysy búdjetke qaıtarylady.
«Otbasy banktiń «Otbasylyq paketi» sheńberinde óz kirisińdi ulǵaıtýǵa bolady. Ol úshin Siz otbasynyń birneshe múshesine depozıt ashýyńyz kerek, sonda syılyqaqy ár salymǵa esepteledi. Mysaly, eger otbasy aıyna belgili bir somany únemdeýdi josparlaǵan bolsa, onda otbasy ony «Otbasylyq paket» sheńberinde birneshe salym arasynda bólý arqyly ár salym úshin memleket syılyqaqysyn alatyn múmkindikke ıe bolady. Sodan keıin qajetti somanyń jınaqtalýy tezirek bolady», - dep bólisti D.Túsipova.
Bank salymshysy jyljymaıtyn múlikti satyp alý týraly sheshim qabyldaǵannan keıin bir otbasynyń barlyq shottaryn biriktirip, qaryz alýǵa bolady. Búgingi tańda qazaqstandyqtar úshin eń qoljetimdi qaryz túri – turǵyn úı qaryzy. Mundaı qaryz shotta keminde 3 jyl merzim ishinde turǵyn úı qunynyń keminde 50%-y jınaqtalǵan jaǵdaıda beriledi. Qalǵan somanyń 50%-yn klıent jyldyq 3,5%-dan 5%-ǵa deıingi mólsherleme (JTSM 3,6%-dan bastap) boıynsha alady.
«Otbasy bankte balalarǵa Otbasy banktiń dástúrli depozıtiniń kómegimen nemese «Arnaý» depozıtin paıdalana otyryp aqsha jınaqtaýǵa bolady. Onyń talaptary boıynsha kem degende 10 jyl ishinde turǵyn úı qunynyń 50%-yn jınaqtaý qajet. Depozıtke jınaqtaý kezinde banktiń syıaqysy men memlekettiń syılyqaqysy da esepteledi. Bul rette jınaqtaý merzimi ótkennen keıin qaryz boıynsha mólsherleme jyldyq 2%-dy (JTSM 2%-dan bastap) ǵana quraıdy. Standartty depozıt sheńberinde qaryz boıynsha eń tómengi mólsherleme 3,5%-dy (JTSM 3,6%-dan bastap) quraıdy», - dep jalǵastyrdy ÓKQ spıkeri.
Endi óz balańyzǵa depozıtti onlaın rejıminde asha alasyz. Jańa qyzmet otbasybank.kz portalynda qoljetimdi. Depozıtti 0 jastan 14 jasqa deıingi balaǵa onlaın ashýǵa bolady. 14 jastan bastap depozıtti balanyń ózi ata-anasynyń nemese basqa zańdy ókilderiniń (mysaly, qamqorshylardyń) kelisimimen bank bólimshesinde ashady.
Jınaq jetispeıtin somaǵa óte qoljetimdi sharttarmen zaem alýǵa múmkindik beredi. Bizdiń qoldaýymyzdyń arqasynda kún saıyn orta eseppen 235 baqytty otbasy qonys toıyn atap ótedi. Bıylǵy jyly Otbasy bank kómegimen óziniń turǵyn úı máselesin 62 298 qazaqstandyq sheshti.