Parlamentte áıelder quqyqtary men balalardyń qaýipsizdigin qamtamasyz etý máseleleri boıynsha ázirlengen zań jobasy talqylanyp jatyr.
Qazir osy qujatta «Otbasylardan balalardy memlekettik organdardyń tartyp alýyna múmkindik beretin normalar bar» degen jańsaq aqparat taratylýda, dep habarlaıdy Almaty-akshamy.kz 24.kz-ke silteme jasap.
Oqý-aǵartý mınıstrliginiń ókilderi bul aqparattyń shyndyqqa janaspaıtynyn resmı málimdedi. Qaralyp jatqan zań jobasynda jáne Májilistegi basqa da qujattarda balalardy otbasylardan tartyp alýǵa qatysty bir de bir norma joq. Vedomstvo ártúrli feıkke senbeýge shaqyrady.
Edil Ospan, QR Oqý-aǵartý vıse-mınıstri: - Memlekettik saıasat balanyń týǵan otbasynda tárbıelený quqyǵyn qamtamasyz etip, balalardy tárbıeleý men qaýipsizdigin saqtaý máselelerinde eń aldymen ata-analarǵa basymdyq berýge baǵyttalǵan. Memleket ómirlik qıyn jaǵdaıǵa tap bolǵan otbasylardy qoldaýǵa arnalǵan tıimdi sharalardy únemi iske asyryp keledi. Kámeletke tolmaǵandardyń isteri jónindegi komısıalar qurylǵan psıhologıalyq jáne otbasyn qoldaý ortalyqtarynyń jumysy sheńberinde osyndaı otbasylarǵa turaqty túrde kómekter kórsetilýde.