Bıyl ákimdikter mektepke 500 myńnan astam balany daıarlaýǵa tıisti qarajat bólgen.
Endi árbir bilim alýshyǵa qarjylyq qoldaýdyń eń tómengi mólsheri belgilendi, ol eń tómengi kúnkóris deńgeıinen tómen bolmaýǵa tıis, dep habarlaıdy aqshamnews.kz
QR Bilim mınıstrligi balalardyń quqyqtaryn qorǵaý komıtetiniń tóraǵasy Nasymjan Ospanova jalpyǵa birdeı bilim berý qoryndaǵy balalarǵa kıim-keshek pen mektep kerek-jaraqtaryn satyp alýǵa qalaı kómek kórsetetinin aıtty.
Spıkerdiń aıtýynsha, jalpyǵa mindetti bilim qory jyl saıyn halyqtyń áleýmettik osal toptaryndaǵy balalarǵa qoldaý kórsetip, oqýǵa qajet quraldar beredi.
"Ataýly áleýmettik kómek alatyn otbasylardan shyqqan, jetim jáne ata-anasynyń qamqorlyǵynsyz qalǵan, sondaı-aq jan basyna shaqqandaǵy ortasha tabysy eń tómengi kúnkóris deńgeıinen tómen otbasylardan shyqqan balalarǵa materıaldyq qoldaý kórsetiledi. Jańa oqý jyly qarsańynda tótenshe jaǵdaıǵa tap bolǵan oqýshylar qarjylaı kómek alady.
"Oqý-aǵartý mınıstrligi ata-analardyń kart-shottaryna aqsha qarajatyn aýdarý bóliginde kómek kórsetý tetigin jetildirý jóninde sharalar qabyldady. Bul ata-analar men balalarǵa kıim-keshek, mektep kerek-jaraqtaryn jetkizýshilerdi óz betinshe tańdaýǵa múmkindik beredi, osylaısha sapasyz taýarlardy alýǵa jol berilmeıdi", – dedi spıker OKQ alańynda ótken baspasóz konferensıasynda.
Sondaı-aq, jalpyǵa mindetti bilim berý qorynyń qarajatyn birkelki bólý máselesi sheshildi. Endi árbir bilim alýshyǵa qarjylyq qoldaýdyń eń tómengi mólsheri belgilendi, ol eń tómengi kúnkóris deńgeıinen tómen bolmaýǵa tıis. Bıyl bul kórsetkish 43 407 teńgeni quraıdy, ıaǵnı materıaldyq kómektiń mólsheri osy somadan tómen bolmaýy kerek.
"Búgingi tańda ata-analardyń shottaryna 3,4 mlrd teńgeden astam qarajat aýdaryldy, 78 myńǵa jýyq bala qamtyldy. Bul proses jalǵasýda. Osyǵan baılanysty, jańa oqý jyly qarsańynda mektep taýarlarynyń qoljetimdiligin qamtamasyz etý maqsatynda óńir ákimdikterinen, "Atameken" UKP-dan mektep jınaqtaryn, mektep formalaryn jáne t. b. satý boıynsha jármeńkeler, sonyń ishinde kóshpeli jármeńkeler uıymdastyrýdy suraımyz",-dedi QR Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova.