almatylyq ana balasyn aman alyp qalǵany úshin Balalar jedel járdem dárigerlerine alǵysyn bildirdi, dep habarlaıdy Almaty-akshamy.kz
10 jasar Dastan taýshymyldyq (pıon) spırttik tunbasyn sýmen shatastyryp iship qoıǵan. Biraz ýaqyttan keıin balanyń densaýlyǵy nasharlap, esinen tanyp qalǵan. Jedel járdem brıgadasy naýqasty Almaty Balalar jedel medısınalyq járdem ortalyǵyna jetkizdi. Balanyń jaqyndary onyń sol tunbany ishkenin bilmegendikten, bala taǵamnan ýlanǵan dep boljap, naqty dıagnoz qoıý qıynǵa soqqan. Dastan buryn eshqashan dári-dármek pen taǵam alergıasynan zardap shekpegen.
«Bizge bala III dárejeli ekzoýytty shok saldarynan óte aýyr jaǵdaıda tústi, balada qandaǵy glúkozanyń joǵarylaýy (18 mmol/l deıin), gıperglıkemıa, ketoasıdoz, bas mı isinýi, jalpy ıntoksıkasıa belgileri baıqaldy. Sanasy komada boldy. Qabyldaý bóliminiń jaǵdaıynda naýqasty kópbeıindi dárigerler brıgadasy tekserip, shuǵyl túrde klınıkalyq jáne zerthanalyq zertteýler júrgizildi. Taýshymyldyq tunbasymen jedel ýlaný. Aýyr dáreje. 3-dárejeli ekzoýytty shok. Ýytty ensefalopatıa. Ýytty gepatıt. Naýqas jansaqtaý bólimine jatqyzyldy, onda oǵan jeke dárigerlik jáne medbıkelik post taǵaıyndaldy. Jaǵdaıynyń aýyrlyǵyna baılanysty naýqastyń júregi eki ret toqtap qalǵan. RQTB qyzmetkerleri balany reanımasıalap, jaǵdaıyn turaqtandyrýǵa qol jetkizdi», - *deıdi Almaty Balalar jádel medısınalyq járdem ortalyǵynyń toksıkologıa bóliminiń meńgerýshisi Hýrmetbek Tohtar*.
10 kúnniń ishinde Balalar jedel járdem dárigerleri balany ómirge qaıtaryp aldy. Ýlaný belgileri toqtap, balanyń aǵzasy qalpyna keldi.
«10-bólimsheniń medısına qyzmetkerlerine, ásirese Hýrmetbek Tohtarulyna, sonymen qatar jansaqtaý bólimshesiniń qyzmetkerlerine, ásirese M.G. Maqulbekov, T.M. Bıdaıbaı, A.Z. Rıgı, A. Kýlımbetov, nevropatolog N.N. Qurmanbaevqa ulym úshin alǵys bildiremin! Jankeshti eńbektiń, joǵary kásibıliktiń, qaıyrymdylyqtyń, sapaly medısınalyq kómek kórsetýge degen umtylystyń arqasynda ulym aman qaldy. Júregi eki ret toqtap qaldy, bir táýlikten astam ýaqyt komada boldy, jasandy tynys alý apparatyna qosyldy. Mine, endi biz esh patologıasyz derlik úıge shyqqaly jatyrmyz, densaýlyǵymyz jaqsy, barlyq analızder jaqsy nátıje berdi. Kásibı mamandardy tańdap, jumysty jaqsy uıymdastyrǵany Balalar jedel medısınalyq járdem ortalyǵynyń búkil ujymyna kóp rahmet», - *dep Dastannyń anasy Ortalyq dárigerlerine shyn júrekten alǵysyn jaýdyrdy*.
Dárigerler azyq-túlik qaýipsizdigi sharalaryn qatań saqtaýdy, dári-dármek pen bala densaýlyǵyna qaýipti zattardy olardyń qoly jetpeıtin jerde saqtaýdy suraıdy. Jaz – konservi men marınadty daıyndaý maýsymy, bul kezde sirke sýy jáne basqa qaýipti zattarmen ýlaný yqtımaldyǵy aıtarlyqtaı arta túsedi. Dárigerler ata-analardan azyq-túlikti saqtaýda saq bolýdy suraıdy.