Almatyda balalaryna alıment tólemegen turǵyn ustaldy, dep habarlaıdy aqshamnews.kz.
Almaty kóshi-qon qyzmeti bólimshesiniń habarlaýynsha, er adam bir jyl boıy balalaryna alıment tóleý týraly sot sheshimin elemegen.
– Ol izdeýde boldy. Búgingi kúnge deıin balalaryna alıment boıynsha bereshek somasy 2 mıllıon teńgeden asady. Bizdiń bólimshe qyzmetkerleri er adamdy ustady jáne óz quzyretine sáıkes qaryz somasyn óndirý týraly sot sheshimin odan ári oryndaý úshin jeke sot oryndaýshysyna berildi, – dedi Almaty qalasy PD kóshi-qon qyzmeti basqarmasynyń basshysy Asqat Býtýnchınov.
Sonymen qatar Almaty polısıa departamenti, osy jyldyń 14-18 qazan aralyǵynda “Zańsyz kelýshi – 2024” respýblıkalyq jedel-profılaktıkalyq is-sharasy ótkizilip jatqanyn eske saldy. İs-sharanyń maqsaty – zańsyz kóshi-qon arnalaryn, sondaı-aq basqa da zańsyz áreketterdi anyqtaý jáne jolyn kesý.