Almatyda balalarǵa 46 mlrd teńgege medısınalyq kómek kórsetildi.
Ótken jyly ońtústik astana boıynsha balalarǵa kórsetilgen medısınalyq kómek túrlerine Qor tarapynan 46 mlrd teńge tólendi. Onyń 24,5 mlrd teńgesi MÁMS paketine tıesili, dep habarlaıdy MSQ Almaty qalalyq fılıaly.
Habarlamaǵa súıensek, Almaty qalasy boıynsha emhanalarǵa 643 myńǵa jýyq bala tirkelgen. Byltyr olarǵa Almaty qalasy boıynsha TMKKK jáne MÁMS aıasynda 46 mlrd teńgeniń medısınalyq kómegi kórsetildi. Shyǵynnyń negizgi bóligin emhanalyq-ambýlatorlyq kómek qurady. Oǵan Qor 25,6 mlrd teńge jumsady. Osy kezeńde 60 myńǵa jýyq bala táýlik boıǵy stasıonarlarda emdelgen. Oǵan 17,1 mlrd teńge, kúndizgi stasıonarlarda emdelgen 3 myń balanyń emine 304 mln teńgege jýyq qarajat jumsaldy, delingen habarlamada.
«MÁMS júıesi balalardy emdeýge jáne olardyń den¬saý¬lyǵyn saqtaýǵa jumsalatyn qarjy kólemin arttyrýǵa múmkindik berdi. Balalarǵa joǵary tehnologıalardyń kómegimen jasalatyn operasıalar úshin 10,8 mlrd teńge jumsaldy. Onyń 9,3 mlrd teńgesi saqtandyrý qarajaty esebinen tólendi. Sonymen qatar, Qazaqstanda josparly stomatologıalyq kómek balalarǵa tegin kórsetiledi. 2022 jyly oǵan 2,7 mlrd teńgeden astam qarajat jumsaldy», - deıdi fılıal basshysy Tileýhan Ábildaev.
Sondaı-aq, aýrýdyń aldyn alýǵa baǵyttalǵan profılaktıkalyq tekserýlerge kóp kóńil bólinip otyr. Almaty qalasy boıynsha atalǵan kezeńde balalardy profılaktıkalyq tekserýge 1,5 mlrd teńge baǵyttaldy.
Bir aıta keterligi, qazaqstandyq balalar MÁMS júıesinde avtomatty túrde saqtandyrylady. Olar úshin jarnany JSN alǵan sátten bastap kámeletke tolǵanǵa deıin memleket tóleıdi. Bul balalarǵa TMKKK aıasynda ǵana emes, MÁMS paketine kiretin medısınalyq kómekti de tegin paıdalanýǵa múmkindik beredi, delingen habarlamada.