Prezıdent aıtqandaı, árbir otbasy elimiz paıdalanyp jatqan ulttyq baılyqtyń ıgiligin kórýi kerek.
Jobanyń maqsaty – Ulttyq qordyń jyl saıynǵy ınvestısıalyq tabysynyń 50 paıyzyn balalardyń arnaýly jınaqtaýshy esepshotyna aýdaryp otyrý, dep habarlaıdy Almaty-akshamy.kz
Sondyqtan bıyl Qasym-Jomart Toqaev Balalar jylynyń aıasynda «Ulttyq qor – balalarǵa» atty múlde jańa baǵdarlamany júzege asyrýdy tapsyrdy. Jobanyń maqsaty – Ulttyq qordyń jyl saıynǵy ınvestısıalyq tabysynyń 50 paıyzyn balalardyń arnaýly jınaqtaýshy esepshotyna aýdaryp otyrý. Qarjy ár bala 18 jasqa tolǵanǵa deıin aýdarylyp turady. Ony merziminen buryn esepshottan sheship alýǵa bolmaıdy. Jınaqtalǵan qarjy balalar kámelet jasyna tolǵannan keıin olardyń baspana nemese bilim alýyna jumsalatyn bolady.
«Bul qarajat óskeleń urpaqtyń úlken ómirge qadam basýyna múmkindik beredi. Qor, shyn máninde, ulttyq mártebege ıe bolyp, halqymyzdyń ıgiligine qyzmet etedi. Bastamany muqıat ázirleý qajettigin eskere otyryp, jobany 2024 jylǵy 1 qańtardan júzege asyra bastaýdy tapsyramyn», dedi Memleket basshysy.
Jobany júzege asyrý tetikteri men reglamenti Úkimet pen Ulttyq bank birlese otyryp pysyqtaǵannan keıin jarıa bolmaq. Ázirshe bul jaıynda birdeńe aıtý orynsyz. Degenmen, jaqynda Ulttyq ekonomıka vıse-mınıstri Tımýr Jaqsylyqov Biryńǵaı jınaqtaýshy zeınetaqy qory balalarǵa arnalǵan esepshottardyń operatory bolatynyn habarlady.