Almatydaǵy №2 Qalalyq balalar klınıkalyq aýrýhanasynda aıaq-qoldyń týabitti jáne júre paıda bolǵan kemistikteriniń zardabyn tartyp kele jatqan balalarǵa rekonstrýktıvtik otalar jasaldy.
«Mıloserdıe» eriktiler qoǵamy» jáne «Samruk-Kazyna Trust» áleýmettik jobalardy damytý qorlarynyń qoldaýymen uıymdastyrylǵan halyqaralyq sheberlik klasyna elimizdiń túpkir-túpkirindegi klınıkalarda ortopedıa-travmatologıa, mıkrohırýrgıa salalarynda eńbek etetin dárigerler qatysty, dep habarlaıdy aýrýhananyń baspasóz qyzmeti.
«RF-nyń Sankt-Peterbýrg qalasynan shaqyrylǵan hırýrg Sergeı Golánnyń jetekshiligimen ótken sheberlik klasy barysynda qazaqstandyq balalarǵa 8 kúrdeli ota jasaldy. Reseıdiń ataqty plasıkalyq hırýrgi taǵy 20 kishkentaı pasıentke konsýltasıa berip, otandyq áriptesterimizge mıkrohırýrgıa salasyndaǵy ozyq ádistemeler jóninde leksıalar oqydy. Bul sharanyń Qazaqstandaǵy balalar mıkrohırýrgıasyn damytýǵa qosar úlesi zor», - dep atap ótti №2 QBKA dırektory Marat Rabandıarov.
Kúrdeli operasıalardyń bári MÁMS qarajaty esebinen jasaldy.
Pasıentterdiń eń kishisi 1 jasta. Bala anasynan 8 saýsaqpen týǵan. Polıfalangıa dep atalatyn kemistik saldarynan ósip kele jatqan balanyń qolyndaǵy artyq saýsaqtar oıynshyqtardy ustap, alaqanyn ashyp-jumýǵa kedergi keltirip keledi. Búgingi shara barysynda dárigerler otany zergerlik sheberlikpen oryndap, sábıge tolyqqandy ómir súrýge múmkindik syılady.
«Biz úshin bul keremet jańalyq boldy. Osyndaı otany Almatyda, tegin jasatamyz degen oı úsh uıyqtasaq túsimizge kirmegen edi», - deıdi anasy.
«Sheberlik klasyn jáı ǵana tájirıbe almasý dep qarastyrýǵa bolmaıdy. Sebebi biz qazaqstandyq áriptestermen birge balalardyń bolashaqta emin-erkin qımyldap, qalypty ómir súrýine jaǵdaı jasadyq», - dep atap ótti hırýrg Sergeı Golána.