Balalarǵa teledıdar aldynda kóp otyrý - zıan
Japonıanyń Iamanası ýnıversıteti ǵalymdary balalardyń boıyndaǵy aýtızm belgileriniń damýyn telebaǵdarlamalardy kóp kórýmen baılanystyrdy, dep habarlaıdy Almaty-akshamy.kz Elorda.kz-ke silteme jasap.
Ǵalymdardyń aıtýynsha, kún saıyn kógildir ekran aldynda keminde eki saǵat otyratyn balalarda úsh jasqa qaraı aýtızm 3,5 ese jıirek anyqtalǵan. Al teledıdar múlde kórmeıtin sábılerde psıhıkalyq aýytqýshylyq bárinen de sırek tabylǵan. Ul balalarda aýtızmniń paıda bolý qaýpi olardyń teledıdar aldynda otyrǵan ýaqytyna týra proporsıonal. Alaıda qyz balalarǵa qatysty mundaı baılanys bolmaǵan. Budan «teledıdar kórý ul balalarǵa zıan» degen tujyrym jasaýǵa bolady.