Balalardyń joldaǵy qaýipsizdigin qamtamasyz etý máselesi erekshe mańyzǵa ıe. Osy maqsatta İshki ister mınıstrliginiń qyzmetkerleri elorda turǵyndaryna jol erejelerin saqtaý qajettigin túsindirdi. Bul jumysqa «Q88» aýmaqtardy turaqty damytý qaýymdastyǵy da qoldaý kórsetti.
Oqý oryndarynyń aldynda polısıa qyzmetkerleri men qoǵam belsendileri birlesip, balalardy tasymaldaý kezinde jol qozǵalysy erejelerin saqtaý qajettigi týraly profılaktıkalyq aksıa uıymdastyrdy.
2024 jyldyń 10 aıynda jol apattary saldarynan 267 bala qaıtys bolǵan. Olardyń jartysyna jýyǵy avtokólikterde jolaýshy retinde bolǵan. Bul qaıǵyly oqıǵalardyń negizgi sebebi – balalardy tasymaldaý erejelerin buzý, atap aıtqanda, arnaıy avtokreslolardy, adapterler men ustaǵyshtardy paıdalanbaý.
Zańnamaǵa sáıkes, elimizde 12 jasqa deıingi balalardy avtokólikterde tasymaldaý úshin arnaıy balalar kreslolaryn paıdalaný mindetti. Bul shara balalardyń joldaǵy qaýipsizdigin arttyrýǵa baǵyttalǵan.
Balalar arasyndaǵy jol qozǵalysy erejelerin nasıhattaý úshin el mektepterinde «Qozǵalystyń jas ınspektorlary» atty arnaıy otrádtar qurylǵan. Bul toptar polıseılermen birge qatarlastaryna jol júrisi qaǵıdalaryn túsindirýde belsendi jumys atqarýda.
Mundaı is-sharalar balalardyń joldaǵy qaýipsizdigin arttyrýǵa jáne qoǵamda jol erejelerin saqtaý mádenıetin qalyptastyrýǵa yqpal etedi.