Qazaqstandyq balalardyń jıi kiretin qosymshalarynyń top-10-ǵa Roblox, Brawl Stars jáne Standoff oıyn qosymshalary, Chrome braýzeri, Telegram messendjeri, Instagram áleýmettik jelisi jáne YouTube Kids kirdi, dep habarlaıdy Almaty-akshamy.kz.
Sonymen qatar «Kasperskıı zerthanasy» qazaqstandyq balalardyń iOS jáne Android júıelerindegi mobıldi qurylǵylardan qandaı saıttarǵa kirgenin taldap, olardyń eń qyzyǵatyny mýltımedıalyq oıyn-saýyqtar ekenin anyqtady. Kompanıanyń anonım** júrgizilgen statısıkasyna sáıkes, olardyń úlesi barlyq resýrstyń jartysyna teń bolǵan. Eń kóp taralýy boıynsha ınternet-kommýnıkasıa quraldary ekinshi orynda, olardyń úlesi 27%. Úshinshi orynda oıyndar eken: olardyń úlesi shamamen 8%-ǵa teń.
Jumys ústelderi men noýtbýkterden eń kóp kiretin resýrstardyń túrine keletin bolsaq, birinshi orynda ınternet-kommýnıkasıa quraldary (38%), ekinshi orynda mýltımedıalyq oıyn-saýyq (35%), al úshinshi orynda - jańalyq resýrstary (7%) boldy.
Jalpy álemdik izdeý statısıkasy kórsetip otyrǵandaı, balalar kóbinese YouTube-ten oıyn-saýyqqa, chellendjderge jáne laıfstaıl vıdeolaryna qatysty blogerlerdiń attaryn nemese arna ataýlaryn izdeıdi (19%). Ekinshi orynda — múltfılmder, serıaldar jáne anıme (17%), úshinshi orynda — mýzykalyq oryndaýshylar men oıyn blogerleri (15%-dan astam). Múltfılmderdiń kóshin bastap kele jatqany — «Ledı Bag ı Sýper-Kot», fılmderden — «Bratá Sýper Marıo v kıno», «Chórnaıa pantera: Vakanda navekı», «Rok dog 3: Bıtva za bıt».
Balalar mobıldi qurylǵylardan vıdeooıyndar oınaıtynyn kórip otyrmyz, biraq olar birneshe jyl buryn bul úshin kompúterlerdi tańdaıtyn. Sonymen qatar bizdiń statısıka boıynsha ınternet - olar úshin negizgi múmkindikteriniń biri baılanys bolyp qala beretinin rastap otyr. Balalardy qorǵaý kúni úndeý jasaǵymyz keledi: jelide sóılesken kezde abaı bolý, tym kóp jeke aqparatty jarıalamaý jáne óz logınderi men qupıasózderin eshkimge bermeýdi únemi eskertip otyryńyz, — dep túsindirdi «Kasperskıı Zerthanasynyń» dırektory Valerıı Zýbanov.