Áýezov aýdanynyń polısıa qyzmetkerleriniń habarlamasy boıynsha, 28 jastaǵy S.esimdi azamat, zańsyz baıý maqsatynda ótip bara jatqan adamdy uryp-soǵyp, telefonyn tartyp alǵan, dep habarlaıdy Almaty-akshamy.kz.
«Aldyn ala boljam boıynsha, qolynda telefony bar jas jigitti kórgen boıda qaskóıdiń oıynda qylmystyq nıet paıda boldy. Ol jábirlenýshiniń sońynan erip, jaqyn jerde eshkimniń joqtyǵyna kóz jetkizip, oǵan shabýyl jasaǵan. Kúdikti ustaldy. Ol tonaý qylmysyn jasaǵanyn moıyndady. İstiń osy satysynda tergeý, ustalǵan azamattyń osyǵan uqsas taǵy úsh qylmysqa qatysy bolýy múmkin ekenin anyqtady. Sotqa deıingi tergeý QR QK-niń 191-baby 2-bóligi boıynsha júrgizilip jatyr. Kúdikti qamaýǵa alyndy», – dedi Áýezov aýdandyq polısıa basqarmasynyń bastyǵy Ulan Ábilqaıyr.
QR QPK-niń 201-babyna sáıkes ózge aqparattar tergeý múddesine oraı jarıalaýǵa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.