Astanada ótken Halyqaralyq konferensıanyń kún tártibinde qoldaýshy qaýipsiz orta qurý, sapaly dıagnostıkaǵa, emdeýge jáne mentaldyq buzylýlardyń profılaktıkasyna qoljetimdilikti jaqsartý maqsatynda balalar men jasóspirimderdiń psıhıkalyq densaýlyǵyn nyǵaıtý máseleleri talqylandy, dep habarlaıdy aqshamnews.kz.
«Mentaldyq densaýlyqty nyǵaıtý joly ártúrli komponentterdi -árbir bala ózin tyńdap, túsinetin qoldaýshy ortany qurýdy qamtıtynyn atap ketý qajet. Bul emosıonaldy ıntellektini damytatyn jáne strestik jaǵdaılardy eńseretin bilim berý prosesi»,-dep atap ótti forým alańynda Densaýlyq saqtaý vıse-mınıstri Erjan Nurlybaev.
Konferensıa sarapshylarynyń pikirinshe, halyqaralyq konferensıada qabyldanǵan psıhıkalyq densaýlyqtyń profılaktıkasy, nyǵaıtý jáne qorǵaý sharalary jan-jaqty bolyp tabylady, kópfýnksıonaldy jáne sektoraralyq tásildi qajet etedi, óıtkeni psıhıkalyq buzylýlary bar adamdar densaýlyq saqtaý sektorynan tys qyzmetterge jáne odan ári qoldaýǵa muqtaj.
Konferensıa barysynda qatysýshylar qoǵamnyń psıhıkalyq densaýlyq týraly túsinigin ózgertý, balalar men jasóspirimderdiń psıhıkalyq densaýlyǵyna qatysty stıgmamen kúresý strategıasyn ázirleý máselelerine erekshe nazar aýdarýǵa laıyq ekenin atap ótti.
Halyqaralyq konferensıany BUU-nyń «IýNISEF» Balalar qory DDU-nyń Qazaqstandaǵy eldik ofısiniń qoldaýymen uıymdastyrdy jáne Qyrǵyzstan, Tájikstan, Túrikmenstan, Ózbekstan jáne Belarýs delegattarynyń qatysýymen ótti.