Reseı Federasıasynyń negizgi bal óndiretin aımaqtarynda aralardyń jappaı qyrylýynan adamzatqa asa paıdaly ttabıǵı ónimniń baǵasy 30-50 paıyzǵa qymbattap ketken, dep habarlaıdy aqshamnews.kz.
Bul jaıynda islam.kz portaly Telegram áleýmettik jelisiniń Shot arnasyna silteme jasaı otyryp málim etedi.
Tatarstan omartashylary jetekshisiniń aıtýynsha, bul saladaǵy olqylyq egistik alqaptaryn tozańdandyrý kezinde agrohımıalyq dárilerdi qoldanýdan týyndaǵan: keri áseri aralar popýlásıasyna da tıgen. Jándikterdiń joıylýyna baılanysty bal tapshy bolyp, baǵa kúrt kóterile bastady. «Tatarstanda ótken jyly tabıǵı lınden baly úsh lıtri 2 myń rýblge jetse, bıyl aralardyń joıylýyna baılanysty 4 myńnan satylýda», - dep túsindirdi ol. Mundaı qıyndyqpen tek Tatarstan omartashylary men tutynýshylary ǵana emes, sonymen qatar, Bashqurtstan, Altaı óńirleriniń ara óndirýshileri de betpe-bet kelip otyr. Osyny eskergen RF ara baǵy ónerkásibi odaǵy egistik alqaptarynda ýly zımıkattardy qoldanýǵa qatysty erejeni qataıtýǵa ýáde berip otyr. Jahandyq jylynýdyń údeýine baılanysty aralardyń ǵumyry eki ese qysqarǵan, al jándikterdiń kólemi aıtarlyqtaı kishireıgen. Eger ótken ǵasyrdyń ekinshi jartysynda tájirıbelik jándikter orta eseppen 34,3 kún ómir súrse, sońǵy on jylda bul kórsetkish eki esege, ıaǵnı, 17,7 kúnge deıin tómendegen. Reseıde de aralar sany ǵasyr basynan beri udaıy kemip keledi. Eger 1990 jyly RF aýmaǵynda jalpy sany 4,5 mıllıon bal arasy bolsa, 2006 jyly bul kórsetkish 3,7 mıllıonǵa, al 2016 jyly 3 mıllıonnan sál astamǵa deıin tómendegen. Ulttyq zertteý ýnıversıtetiniń ekonomıka joǵary mektebiniń málimetinshe, 2008-2018 jyldary eldegi bal jándikteriniń sany 40 paıyzǵa azaıǵan.