Almatylyq balalar 200 dana qus uıasyn jasady.
«Panalaı ber, qustarym»! Búgin Almatydaǵy «Otbasy» saıabaǵynda (Family Park) qustarǵa arnap óz qoldarymen uıa jasap ornatqan balalardyń júzinde osyndaı lebiz turdy. Áýezov aýdanyndaǵy mektep oqýshylarynan 200 bala ózderi jasaǵan qus uıasyn saıabaqtarǵa, aýlalarǵa ornatty dep habarlaıdy Almaty-aqshamy.kz.
Áýezov aýdany ákimdigi uıymdastyrǵan ekologıalyq shara «Almaty – bizdiń ortaq úıimiz» atty qalalyq naýqan aıasynda ótkizilip otyr. Oǵan aýdan kólemindegi mektep oqýshylary, uzstazdar men eko-belsendiler, óner juldyzdary men BAQ ókilderi qatysty.
«Saıabaqtaǵy qustar alańsyz panalasyn dep osy bir jaıly uıany jasap ákeldim. Endi bir jaǵynan saıabaqqa kórik bersin dep ony ulttyq naqyshta bezendirdim», – deıdi №126 mamandandyrylǵan lıseıdiń 7A synyp oqýshysy Aqjol Dáýletuly.
Aqjol ózi daıyndaǵan uıany «Otbasy» saıabaǵyndaǵy jol shetine ornatty. Ol saıabaqta qustardyń kóbirek bolýy qalamyzdy tipti de kórikti, tabıǵı ári janǵa jaıly ete túsedi dep sanaıdy.
«Almaty – bizdiń ortaq úıimiz» naýqany mamyr aıyna deıin jalǵastyn bolady. Atalǵan aksıa qalanyń qorshaǵan ortasyn qorǵaý, almatylyqtarmen birge jasap jatqan jan-janýarlardy, qustardy aıalaý sezimin arttyrý, taza da jaıly qalanyń óskeleń mádenıetin qalyptastyrýdy kózdeıdi.
Áýezov aýdany uıymdastyrǵan sharada mektep oqýshylarynyń konserttik nómerlerimen bastalǵan bolatyn. Sońynda balalardyń qorshaǵan ortany qorǵaý maqsatyndaǵy is-qımyldaryna qoldaý kórsetý maqsatynda qazaqtyń aıaýly ánshileriniń biri, Qazaqstannyń Eńbek sińirge qaıratkeri Toqtar Serikov án tartýyn usyndy.
Áýezov aýdany ákiminiń orynbasary Baný Manapova aksıaǵa qatysyp jatqan balalarǵa óz rahmetin aıtty.
«Aýdanymyzdan 200-den astam bala qatysyp jatqan búgingi sharany “Júrek jylýy” dep ataǵandy jón kórdik. Kóip otyrsyzdar balalar erikti túrde aksıaǵa asa yntaly qatysyp jatyr. Olar ózderiniń taza júrekteriniń jylýy ispetti óz qoldarymen jasaǵan qus uıalaryn saıabaqtar men aýlalarǵa, jol shetindegi aǵashtarǵa ornatatyn bolady. Sol arqyly jas jetkinshekter qorshaǵan ortany aıalap qorǵaýǵa ózderiniń bir kisilik úlesterin qosyp jatyr», – deıdi Baný Baqdáýletqyzy.