«Balalar jyly» aıasynda «Qazaqkonsert» qabyrǵasynda keshendi jańa joba - «Balalar fılarmonıasy» atty oqýshylar abonementi iske qosyldy.
Jobanyń negizi maqsaty - jas daryndardy óner áleminde úılesimdi damytyp, sulýlyq pen ádemilikti durys uǵynýǵa jetelep, olarda sezim baılyǵyn qalyptastyrýǵa túrtki bolý, dep habarlaıdy Almaty-akshamy.kz.
Joba aıasynda uıymymyzdyń shyǵarmashyq ujymdary dáris-konsertterdi usyna otyryp, ónerimen top jarǵan maıtalmandarymyz jas mamandardy daıarlaýda ózderiniń kásibı sheberlikterimen bólisedi.
Atap aıtsaq, «Qazaqtyń mýzykalyq aspaptary», «Klasıkalyq mýzykalyq aspaptar», «Múzıkl degenimiz ne?», «Dombyradaǵy oryndaýshylyq mektepter» atty dáris-konsertter, sondaı-aq vokaldyq, akterlik, bı sekildi suńǵat ónerdiń túrleri boıynsha sheberlik sabaqtary uıymdastyrylady.
Sonymen qatar joba abonementin paıdalanýshy «Qazaqkonserttiń» uıymdastyrýymen ótetin otandyq kınokórsetilimder men tańdamaly konsertterdi tamashalaı alady.
«Balalar fılarmonıasy» jobasy bıylǵy jyldyń qyrkúıek-jeltoqsan aılarynda ár senbide saǵat 12.00-de ótedi.