Másele qaladaǵy jalpy bilim beretin mektepterdiń 7-11 synyp oqýshylary týraly bolyp otyr.
Bilim kúninde Almatyda joǵary synyp oqýshylaryna quqyqtyq tárbıe berý baǵdarlamasy ótti, dep habarlaıdy Almaty-akshamy.kz Polisia.kz-ke silteme jasap.
«İshki ister mınıstrligi men kámeletke tolmaǵandardyń quqyqtaryn qorǵaý mınıstrliginiń birlesken otyrysynda İİM basshysy Marat Ahmetjanov elimizdiń barlyq jalpy bilim beretin mektepterinde “Quqyqtyq jalpyǵa birdeı bilim berý” jumystaryn júrgizýdi tapsyrdy. İİO tergeý bólimsheleriniń qyzmetkerleri jasóspirimderge qylmystyń qurbany bolǵan jaǵdaıda ne isteý kerektigi, esirtki qylmysyna qarsy kúres, sondaı-aq, kámeletke tolmaǵandardy qylmystyq jaýapkershilikke tartý jasyn retteıtin zańnamalyq normalar týraly dáris oqydy», – dep eske saldy Almaty qalalyq PD Tergeý basqarmasynyń bastyǵy Muhamedáli Seısenuly.
Almaty polısıasy qylmystyń qurbany bolmaý úshin kelesi saqtyq sharalaryn qoldanýdy usynady:
– qaıda bara jatqanyńyzdy árqashan ata-anańyzǵa jáne dostaryńyzǵa habarlańyz;
– beıtanys adamdardan syılyq almańyz;
– eger bireý sizge erip júrýdi usynsa nemese ol sizdi bir jerge shaqyrsa, ata-anańyzdan ruqsat alyńyz;
– beıtanys adamdarǵa esik ashpańyz, olardyń suraqtaryna jaýap bermeńiz;
– beıtanys adammen kireberiske kirmeńiz.