Ata-analarynyń «qaýipsiz» statýsy bar balalar erkin kire alady.
Ashyq júıesine qatysatyn nysandarǵa balalardyń kirý tártibin sanıtarlyq-epıdemıologıalyq baqylaý komıtetiniń tóraǵasy Aıjan Esmaǵambetova túsindirdi, dep habarlaıdy Almaty-akshamy.kz
«Ashyq júıesine engen nysandarǵa 12 jasqa tolmaǵan balalar ata-anasynyń jeteginsiz kóp bara bermeıdi. Al ata-analarynyń «qaýipsiz» statýsy bolsa, balalary da erkin kire alady. Al atalmysh nysandarǵa ata-anasynsyz baratyn, 12-den asqan balalar úshin erikti PTR test júıesi bar. Bıznes nysandarynyń ózderi balalardyń Ashyq júıesindegi statýsyn anyqtaý týraly mindetti talap qoıyp jatqan jaıttar bar. Sondyqtan 12 jasqa deıingi balalardan Ashyq júıesinde statýsyn anyqtaý talap etilmeıdi. Odan úlken balalardan erikti túrde iske asyrylady», - dedi komıtet basshysy.
Onyń aıtýynsha, sońǵy kezde balalar koronavırýspen burynǵydan jıi aýyratyn bolǵan. Degenmen, bul olardy ata-analarynyń kelisiminsiz vaksınalaýǵa negiz bola almaıdy.
"Balalardyń quqyqtary týraly "zań boıynsha, balalarǵa qatysty dúnıeniń bári ata-ananyń ruqsatymen jasalýy kerek. Iaǵnı, 18-ge deıingi balalardyń ata-analarynan nemese ókilderinen kelisim alý mindetti. Sondyqtan osyndaı tártip boıynsha jumys istep jatyrmyz», - dedi Aıjan Esmaǵambetova.