Bıyl qazaq jáne balalar ádebıetiniń klassıgi Berdibek Soqpaqbaevtyń týǵanyna - 100 jyl.
Qalamgerdiń mereıtoıy IýNESKO kóleminde atalyp ótedi, dep habarlaıdy Almaty-akshamy.kz.
«Memleket basshysy Qasym-Jomart Toqaevtyń bastamasymen qalamgerdiń 100 jyldyǵy toılana bastady. Berdibek Soqpaqbaevtyń týǵan aýyly Narynqolda eńseli eskertkishi boı kóteredi. Sondaı-aq jazýshynyń esimi birqatar saıabaqqa, bilim oshaǵy men oblystyq kitaphanaǵa belilmek», — dep jazdy Mádenıet jáne aqparat mınıstrliginen.
Shoqtyǵy bıik qalamger balalar men jasóspirimderge arnalǵan 20-dan astam áńgime, poves, roman usyndy. «Meniń atym — Qoja», «Balalyq shaqqa saıahat», «Ólgender qaıtyp kelmeıdi» týyndylarynda ózi ómir súrgen zamannyń shynaıy kelbetin sýrettedi.
Aıta keteıik, elimizdiń rýhanıatyna óshpes mura qaldyrǵan jazýshynyń 100 jyldyǵyna arnalǵan alǵashqy shara Almaty oblysynda bastaý aldy.
Esterińizge salaıyq, kúni keshe, ádebıettegi shyndyǵy úshin keńestik saıasattyń synyna ushyraǵan qalamger Berdibek Soqpaqbaevtyń ómiri men shyǵarmashylyǵy áli zerttelmeı kele jatqanyn aıtqan bolatynbyz.