Jambyl polıseıleri Almatydan kólik urlaǵan azamatty qolǵa túsirdi.
24 qańtar Jambyl oblysy patrúldik polısıa batalónynyń qyzmetkerleri Almatydan Toyota Camry avtokóligin urlap, Shymkent qalasy baǵytynda kele jatqan kúdiktini ustaý týraly baǵdar aldy, dep habarlaıdy Almaty-akshamy.kz Polisia.kz-ke silteme jasap.
PD patrúldik polısıa batalóny vzvodynyń qyzmetkerleri Batys Eýropa – Batys Qytaı respýblıkalyq mańyzy bar avtojolynyń 240-shaqyrymynda qyzmet ótkerý kezinde atalǵan avtokólikti baıqap, ony toqtatý jáne ustaý úshin sharalar qabyldady.
Tekserý barysynda júrgizýshiniń kólik quralyn basqarýǵa tıisti qujattary joq ekendigi jáne izdeýdegi urlanǵan avtokólik retinde tirkelgeni anyqtaldy. Atalǵan kóliktiń salonynda júrgizýshiden basqa taǵy 2 jolaýshy bolǵan. Kólik urlaǵannan keıin júrgizýshi aqsha tabýǵa sheshim qabyldap, jolda ózine eki jolaýshyny otyrǵyzǵany belgili boldy. Tez arada ustalǵan jerge Qordaı aýdandyq polısıa bóliminiń jedel-tergeý toby keldi.
Qazirgi ýaqytta kúdikti Almaty qalasy Bostandyq aýdanynyń PB áriptesterine odan ári anyqtaý maqsatynda berildi.