Sebebi búginnen bastap qazaqstandyqtar qoǵamdyq orynda aıtylǵan balaǵat sóz úshin tórt ese artyǵymen aıyppul tóleıdi.
Qoǵamdyq orynda balaǵat sóz aıtý Ákimshilik quqyqbuzýshylyqtar kodeksinde «usaq buzaqylyq» sanatyna jatady, dep habarlaıdy Almaty-akshamy.kz.
QazAqparat saıtynyń aqparatyna júginsek, usaq buzaqylyq qataryna, sonymen birge, jeke tulǵalardy qorlaý jáne olarǵa qysym kórsetý, ǵımarattarǵa, qurylystarǵa, turǵyn úı-jaılarǵa, ortaq paıdalaný oryndaryna, kóliktegi jáne qoǵamdyq oryndardaǵy múlikke nuqsan keltirý, aınalaǵa qurmetsizdik bildiretin, qoǵamdyq tártip pen jeke tulǵalardyń tynyshtyǵyn buzatyn jaıttar jatady.
Sonymen İshki ister mınıstrliginiń málimetinshe, buǵan deıin sot usaq buzaqylyq jasaǵany úshin 5 AEK (17 250 teńge) mólsherinde aıyppul salatyn nemese 15 táýlikke deıin qamaýǵa alatyn edi. Al búginnen bastap aıyppul 20 AEK (69 000 teńge) quraıdy, qamaýǵa alý 5-ten 30 táýlikke deıin uzarady.
«Sońǵy jyldary bótenniń múlkine, onyń ishinde azamattar ortaq paıdalanatyn zattarǵa qasaqana zaqym keltirý faktileri jıiledi. Sizder ómirde kireberisterdegi zaqymdalǵan lıftter, aınalasy synǵan, túımeleri órtengen, túrli jazýmen búldirgen faktilerge tap bolǵan shyǵarsyzdar. Kóbine mundaı áreketti adamdar qasaqana jasaıdy. Iaǵnı, olar sanaly túrde basqanyń múlkin búldiredi», - degen edi İİM Ákimshilik polısıa komıteti basqarma bastyǵynyń mindetin atqarýshy Azamat Qurymbaev mınıstrliktiń aptalyq brıfıńinde.
Onyń aıtýynsha, zalal mólsheri oǵan jetpegen jaǵdaıda azamattar ózderi dálel jınaý, olardyń júrgen jerin bilý sıaqty máselelermen aınalysady. Óıtkeni zalaldy óteý azamattyq-quqyqtyq alańda sheshiledi.
Eske salsaq, bıyl 3 qańtarda Memleket basshysy Qasym-Jomart Toqaev «QR Qylmystyq jáne qylmystyq is júrgizý kodeksterine ekologıalyq quqyqbuzýshylyqtar men vandalızm kórinisteri úshin jaýapkershilikti kúsheıtý máseleleri boıynsha tolyqtyrýlar engizý týraly» jáne «QR Ákimshilik quqyq buzýshylyq týraly kodeksine ekologıalyq quqyqbuzýshylyqtar men vandalızm kórinisteri úshin jaýapkershilikti kúsheıtý máseleleri boıynsha ózgerister men tolyqtyrýlar engizý týraly» zańǵa qol qoıdy.