Tashkentte Abai Uii mádenı-iskerlik úıi bar.
Tashkentte ótken Ózbekstandaǵy qazaq mádenı ortalyqtarynyń ókilderimen kezdesý barysynda Aqparat jáne qoǵamdyq damý mınıstri Aıda Balaeva Memleket basshysy Qasym-Jomart Toqaev Qazaqstan halqyna Joldaýynda kóshi-qon saıasatynyń jańa tujyrymdamasyn ázirleýge bastama bergenin, sondaı-aq jalpy tarıhı Otanyna keletin qandastardyń beıimdelýine járdemdesýge qabiletti suraqtar ózektendirilgenin aıtty, dep habarlaıdy Almaty-akshamy.kz Baq.kz-ke silteme jasap.
Kezdesýde Aıda Balaeva osydan buryn qandastarǵa Qazaqstan azamattyǵyn alý boıynsha tıisti qujattardy berý, qandastar qataryndaǵy jastar úshin Qazaqstannyń joǵary oqý oryndarynda beriletin kvotalar týraly memlekettik qyzmetter kórsetý rásimi men merzimderi aıtarlyqtaı jeńildetilgenin atap ótti.
Sonymen qatar ol qazaq halqynyń mádenıeti men tilin saqtaýdyń mańyzdylyǵyn aıtty.
Eske sala keteıik, Ózbekstanda álemdegi iri qazaq qaýymdastyqtarynyń biri turyp jatyr jáne ótken jyly Qazaqstannyń Aqparat jáne qoǵamdyq damý, Syrtqy ister mınıstrlikteriniń qoldaýymen osy eldiń astanasy Tashkentte Abai Uii mádenı-iskerlik úıi ashyldy.
Mınıstrmen kezdesýge Ózbekstan qazaq jurtshylyǵynyń kórnekti ókilderi, onyń ishinde respýblıkalyq Qazaq ulttyq mádenı ortalyǵynyń tóraǵasy S.Úsenov, akademık, profesor Q.Seıdanov jáne basqalar qatysty.