Elorda prokýratýrasy alıment tóleýden jaltarǵan boryshkerlerdiń qumar oıyndardyń qyzyǵyna batyp ketkenderdi anyqtady, dep habarlaıdy aqshamnews.kz.
Taldaý nátıjesinde 150 boryshkerdiń óz balalaryna 350 mln teńge qaryz bola otyryp, qumar oıyndarǵa qatysqany anyqtaldy.
Aǵymdaǵy jyly alıment qaryzy 2,5 mln teńgeni quraǵan boryshkerlerdiń biri býkmekerlik keńse arqyly 80 mln teńge jeke aınalymmen qumar oıyndarǵa qatysqan.
Prokýratýranyń qadaǵalaý aktisi boıynsha jeke sot oryndaýshylary 150 boryshkerge qumar oıyndarǵa qatysýǵa tyıym saldy.
Bul shekteýdiń jańa túri boryshkerlerdiń aqshany orynsyz jumsaýyn boldyrmaıdy.
2024 jylǵy 9 qyrkúıekte kúshine engen Qazaqstan Respýblıkasynyń «Oıyn bıznesi týraly» Zańyna sáıkes, elorda prokýratýrasy oıyn bıznesiniń uıymdastyrýshylaryna boryshkerlerdi qumar oıyndarǵa qatystyrmaýǵa shaqyrady.
Qazaqstan Respýblıkasynyń Ákimshilik quqyq buzýshylyqtar týraly kodeksiniń 444-babyna sáıkes, atalǵan zańnamalyq talaptardy saqtamaǵan jaǵdaıda aıyppul salý, al qaıtalanǵan buzýshylyqtar úshin - lısenzıanyń kúshin toqtatý túrinde jaza qarastyrylǵanyn eske salamyz.
Baladan aıap, býkmekerge bergen
- Avtor aqshamnews.kz
- 17:10, 04 qazan 2024
Sýret: Dubna.ru