Túngi klýb eki apta buryn ashylǵan
Ázerbaıjan astanasynyń ortalyǵynda LocationBaku túngi klýbynda joıqyn jarylys boldy. Qaza tapqandar men jaralylar bar, – dep habarlaıdy Almaty-akshamy.kz Tengrinews.kz-ke silteme jasap.
Portal málimetinshe, mekeme eki apta buryn ashylǵan.
«Alǵashqy nusqalarǵa sáıkes, gazdan jarylys boldy. Oqıǵa ornynda İİM qyzmetkerleri jumys istep jatyr. Tergeý amaldary bastaldy. Qaza bolǵandar men jaralanǵandardyń sany anyqtalyp jatyr», – dedi Ázerbaıjan İİM baspasóz qyzmetiniń basshysy Ehsan Zahıdov.
Al Densaýlyq saqtaý mınıstrligi Baký aýrýhanalaryna 24 adam – 13 er adam jáne 11 áıel jetkizilgenin habarlady. Olardyń kóbin kúıik shalǵan.
«Aldyn ala málimetter boıynsha, túngi klýbtaǵy jarylys saldarynan úsh adam qaıtys boldy», – dedi jedel járdem qyzmetkerleri haqqin.az tilshilerine.
Oqıǵa ornyna qala basshysy Eldar Azızov pen tótenshe jaǵdaılar mınıstriniń orynbasary Etıbar Mırzoev keldi.
Qazirgi ýaqytta oqıǵa ornynda İİM jáne TJM qyzmetkerleri jumys istep jatyr.