Áleýmettik jelide saýnada er adamnyń áıelge qol jumsaǵan vıdeosy tarady. 2022 jyldyń 4 aqpanynda Qosshydaǵy saýnalardyń birinde bolǵan, dep habarlaıdy Almaty-akshamy.kz Baq.kz-ke silteme jasap.
Aqmola oblystyq polısıa departamenti habarlaǵandaı, 2022 jylǵy 2 sáýirde atalǵan fakti boıynsha Qazaqstan Respýblıkasy Qylmystyq kodeksiniń 293-babynyń 1-bóligi (Buzaqylyq) boıynsha sotqa deıingi tergeý bastaldy.
Beınejazbaǵa túsirilgen adamdar 02.04.2022 jyly saýnada bolyp, alkogóldik ishimdik ishken.
«Saǵat 07:30 shamasynda mekemeniń basqarýshy dırektory, 31 jastaǵy Qosshy qalasynyń turǵyny shottyń tólenbeý sebebin bilý úshin kelýshilerge túsedi, olardyń biri áıeldi ura bastaǵan. Jedel izdestirý sharalary barysynda 44 jastaǵy Qosshy qalasynyń turǵyny men Nur-Sultan qalasynyń 36 jáne 37 jastaǵy eki turǵyny anyqtaldy», - delingen habarlamada.
Qosshy qalasynyń 44 jastaǵy turǵyny men Nur-Sultan qalasynyń 36 jastaǵy turǵynynyń qanynda alkogóldiń bar-joǵyn tekserý kezinde jeńil jáne ortasha dárejedegi mas kúıi anyqtaldy.
Olar Nur-Sultandaǵy dárigerlik ambýlatorıaǵa ornalastyryldy.
Saýna meńgerýshisine dene jaraqatyn salǵan kúdikti 37 jastaǵy azamat Qylmystyq is júrgizý kodeksiniń 128-babyna sáıkes ustalyp, Selınograd aýdanynyń ýaqytsha ustaý ızolátoryna qamaldy.