Osydan bir jarym jyl buryn «Baıtaq» jasyldar partıasy tóraǵasy Azamathan Saılaýulynyń tikeleı tapsyrmasymen ǵylymı-saraptamalyq jumys toby qurylyp, álemdegi eń ozyq ári tıimdi atom elektr stansıalaryn zertteý jumystaryn bastaǵan edi. Toptyń negizgi mindeti – AES-tiń ekologıalyq qaýipsizdigi men elimizdiń energetıkalyq táýelsizdigin qamtamasyz etetin reaktorlar men basqarý tehnologıalaryna ǵylymı turǵyda baǵa berý boldy.
Endi osy zertteýlerdiń nátıjelerin halyqqa egjeı-tegjeıli jetkizetin kún de keldi. 6 qazan kúni ótetin referendýmnyń taqyryby da erekshe mańyzǵa ıe. Halyq bolyp osy mańyzdy sheshimdi qabyldaý arqyly bolashaǵymyzdyń jarqyn bolýy úshin jaýapkershilikti teń bólisetin ýaqyt jetti.
Syr óńirine kelgen Respýblıkalyq halyqtyq shtabtyń ókilderi, QR Parlamenti Májilisiniń depýtaty Marhabbat Jaıymbetuly, «Baıtaq» partıasynyń Atqarýshy hatshysy Nurlan Bolatuly jáne óńirdiń bir top azamattary Jańaqorǵan aýdanynyń jastary jáne eńbek ujymdarymen kezdesti. Sonymen qatar, aýdannyń ońaltý ortalyǵy, ýran tasymaldaýshy Jańaqorǵan tranzıti, Alma baǵy sharýashylyqtary jáne Jan-Araı shıpajaıy sekildi aýdannyń mańyzdy nysandarynda boldy.
Aýdannyń negizgi kásipkerleri men eńbek ujymdarynyń qyzmetkerleri aldaǵy referendýmda AES salýdy biraýyzdan qoldaıtyndaryn jetkizdi. Olar bul sheshimdi elimizdiń damýyna qajetti ári ýaqytyly qabyldanǵan mańyzdy saıası qadam retinde qabyldap otyr.